नंदुरबारमध्ये अडीच हजाराहुन आधिक बालके तीव्र कुपोषित

नंदुरबार : कोरोनाच्या (Covid 19) भीतीमुळे उपचाराअभावी कुपोषणात (Malnutrition) वाढ झाल्याची माहिती समोर आली आहे. कोरोनाचा प्रादुर्भाव कमी होताच पोषण पुनर्वसन केंद्रांमध्ये (Nutrition Rehabilitation Center) कुपोषित बालके उपचारासाठी दाखल झाली आहेत. नंदुरबार जिल्ह्यातील अतिदुर्गम भागातील अक्कलकुवा, मोलगी, धडगाव परिसरात आदिवासी पाड्यांवर कुपोषणाचा विळखा कायम आहे. (More than two and a half thousand children are severely malnourished in Nandurbar)

गेल्या दोन वर्षात कोरोनाच्या भीतीमुळे कुपोषित बालकांना दिला जाणाऱ्या पोषण आहार वाटपाच्या अडचणीमुळे कुपोषित बालकांच्या संख्येत वाढ झाली आहे. शहादा, तळोदा, अक्कलकुवा, धडगाव या चार तालुक्यातील कुपोषित बालकांचे स्क्रिनिंग सुरू असून आतापर्यंत 14 हजार 92 बालकांची तपासणी झाले असून त्यात अडीच हजारपेक्षा जास्त बालके तीव्र कुपोषित आढळून आले आहे. कोरोना काळात भीतीमुळे या भागातील पोषण पुनर्वसन केंद्रांमध्ये उपचारासाठी पालक मालकांना दाखल करत नसल्याचे चित्र होते.

परंतु कोरोनाचा प्रादुर्भाव कमी होताच अक्कलकुवा ग्रामीण रुग्णालयातील पोषण पुनर्वसन केंद्रांमध्ये कुपोषित बालक उपचारासाठी मोठ्या प्रमाणावर दाखल होत आहेत. त्यासाठी रुग्णालयातील काही बेड कोरोनाच्या तिसरे लाटे साठी बेड आरक्षित करण्यात आले आहेत. त्यामुळे कुपोषित बालकांच्या उपचारासाठी बेड उपलब्ध नाहीत. त्यामुळे दुर्गम भागातील येणाऱ्या कुपोषित बालकांच्या उपचाराअभावी मृत्यू झाल्यास त्याला जबाबदार कोण असा प्रश्न उपस्थित केला जात आहे.

कोरोनापेक्षाही भयंकर परिस्थिती निर्माण झालेल्या कुपोषित बालकांवर वेळेवर योग्य तो उपचार करणे गरजेचे असून आरोग्य विभागाने यात सुविधा उपलब्ध करावी अशी मागणी होत आहे.

Edited By- Anuradha