Nanded Crime News: खळबळजनक! ५० लाखांची खंडणी न दिल्याने परभणीतील बालकाची नांदेडमध्ये हत्या; दोरीने हातपाय बांधले अन्...

Nanded Crime News: नांदेडमध्ये ५० लाखांची खंडणी न दिल्याने १४ वर्षीय बालकाची हत्या झाल्याची धक्कादायक घटना उघडकीस आली आहे.
nanded crime news
nanded crime newsSaam Tv

संजय सूर्यवंशी, नांदेड

Nanded crime News

नांदेडमध्ये ५० लाखांची खंडणी न दिल्याने १४ वर्षीय बालकाची हत्या झाल्याची धक्कादायक घटना उघडकीस आली आहे. नांदेड जिल्ह्यातील माळेगाव येथील तलावात बालकाचा मृतदेह आढळून आला आहे. परमेश्वर प्रकाश बोबडे असं मृत बालकाचं नाव आहे. या घटनेने परिसरात एकच खळबळ उडाली आहे. (Latest Marathi News)

14 वर्षीय परमेश्वर हा परभणीचा आहे. परमेश्वरचे परभणी शहरातील कृषिसारथी भागातून अपहरण झाले होते. परमेश्वर हा गुरूकूल निवासी शाळेत इयत्ता नववीत होता. ७ सप्टेंबर रोजी पेपर देऊन घरी जात असताना त्याचं अज्ञात आरोपींनी अपहरण केलं.

याची माहिती त्याच्या पालकांना मिळताच त्यांनी पोलिसांत धाव घेतली. परमेश्वरच्या पालकांनी वा मोंढा पोलीस ठाण्यात जाऊन पोलिसांत तक्रार नोंदवली. त्यानंतर पोलिसांनी अपहरणाचा गुन्हा नोंद केला.

nanded crime news
Amravati Crime News : आईला त्यांनी मारलं अन् विहिरीत ढकलून दिले, खूनाचा घटनाक्रम सांगताना पाेलिसांसमाेर मुलगा ढसाढसा रडला

मागितली होती 50 लाख रुपयाची खंडणी

पोलिसांनी गुन्हा नोंद केल्यानंतर तपासाला सुरुवात केली. त्यानंतर पोलिसांनी दोन संशयित आरोपींना ताब्यात घेतले. यानंतर या आरोपींनी गुन्हा कबूल केला. त्यांनी परमेश्वरचे हातपाय बांधून तलावात फेकल्याचे सांगितलं. या अपहरणकर्त्यांनी परमेश्वरच्या वडिलांकडून 50 लाख रुपयाची खंडणी मागितली होती.

'५० लाख रुपये दे अन्यथा तुझ्या मुलाला जीवे मारू, अशी धमकी परमेश्वर याच्या वडिलांना देण्यात आली होती. या घटनेची माहिती परमेश्वर याचे वडील प्रकाश बोबडे यांनी परभणी येथील नवा मोंढा पोलीस ठाण्यात दिली होती.

nanded crime news
Mumbai Crime News : विमानात एअर हॉस्टेससोबत अश्लील चाळे, मुंबई पोलिसांकडून बांगलादेशी नागरिकाला अटक

परमेश्वरच्या वडिलांनी खंडणी न दिल्याने अपहरणकर्त्यांनी परमेश्वरचा खून करून नांदेड जिल्ह्यातील माळेगाव येथील तलावात फेकून दिल्याचे पोलीस तपासात समोर आले आहे. तत्पूर्वी, या प्रकरणाचा पुढील तपास पोलीस करत आहेत. या घटनेने नांदेड आणि परभणी जिल्ह्यात खळबळ उडाली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com