संतापजनक! स्कूलबस चालकाचा अल्पवयीन मुलीवर लैगिंक अत्याचार
नांदेड: नांदेडमधून (Nanded) एक संतापजनक घटना समोर आली आहे. नवनीत शिकणाऱ्या मुलीवर स्कूलबस चालकाने बलात्कार केल्याची धक्कादायक घटना समोर आली. ही घटना नांदेड शहरात घडली आहे. गजानन वडजे असे नराधम स्कूलबस चालकाचे नाव आहे.
पोलिसांनी (Police) दिलेली माहिती अशी, गजानन वडजे याने अल्पवयीन मुलीला फूस लावून तिच्यावर अत्याचार केला. त्यानंतर ब्लॅकमेल करुन तिच्यावर अनेकवेळा बलात्कार केला. मुलीला तुझे आता लग्न होऊ देणार नाही अशी धमकी दिली. त्यामुळे मुलगी तणावात आली होती. या तणावातून पीडित मुलीने फिनेल प्राषण करुन आत्महत्येचा प्रयत्न केला.
या मुलीवर खासगी रुग्णालयात उपचारा सुरू आहेत. उपचारा दरम्यान आपल्यावर अत्याचार झाल्याची माहिती दिली. यावरुन मुलीच्या वडीलांनी दिलेल्या तक्रारीवरून भाग्यनगर पोलीस ठाण्यात गुन्हा दाखल करण्यात आला आहे. आरोपी गजानन वडजे याला पोलिसांनी (Police) अटक केली आहे. संशयित आरोपीला न्यायालयाने सात दिवसांची पोलीस (Police) कोठडी सुनावली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.