Nanded Crime News: खळबळजनक! पार्किंगच्या वादातून तरुणाचा हात छाटला; पोलिसांनी शहरातून धिंड काढत उतरवली मस्ती

संजय सुर्यवंशी, प्रतिनिधी...

Nanded Crime News: नांदेड शहरातून एक धक्कादायक प्रकार समोर आला आहे. शुल्लक कारणावरून झालेल्या वादातून एका तरुणाचा हात छाटल्याची घटना उघडकीस आली. या घटनेने परिसरात एकच खळबळ उडाली आहे. या घटनेनंतर पोलिसांनी आरोपीला अटक करत शहरातून धिंड काढली.. (Crime News In Marathi)

याबाबत अधिक माहिती अशी की, चार दिवसांपूर्वी नांदेड (Nanded Crime) शहरातील भाग्यनगर पोलिस ठाण्याच्या हद्दीत पार्किंगवरुन दोन गटात वाद झाला. हा वाद वाढत जावून मारहाणीची घटना घडली होती.

यावेळी आरोपींनी त्रिशरण थोरात या तरुणाचा तलवारीने मनगटापासून हात छाटला होता. या घटनेने शहरात एकच खळबळ उडाली होती. या प्रकरणी भाग्यनगर पोलिसांनी गुन्हा दाखल करत सुरज बसवते, आकाश रणमले, विजय जाधव या आरोपींना अटक केली.

दरम्यान, गुन्हेगारामध्ये वचक रहावी या उद्देशाने भाग्यनगर पोलिस ठाण्याचे पोलिस निरीक्षक सूर्यमोहन बोलमवाड यांनी आज तिन्ही आरोपिंची शहरातून धिंड काढली. भाग्यनगर पोलिस ठाणे ते जंगमवाडी आणि परत ठाण्यापर्यंत ही धिंड काढण्यात आली. पोलिसांच्या या धडक कारवाईचे नागरिकांमधून स्वागत होत आहे. (Latest Marathi News)