Shrikant Shinde On Uddhav Thackeray: राज्याचे मुख्यमंत्री एकनाथ शिंदे यांनी शनिवारी पंतप्रधान नरेंद्र मोदी यांची भेट घेतली. आपल्या संपूर्ण कुटुंबासह त्यांनी मोदींची भेट घेतली आहे. या भेटीनंतर मोदींनी एकनाथ शिंदे यांच्यावर कौतुकाचा वर्षाव केलाय. यावरून खासदार श्रीकांत शिंदे यांनी देखील ट्वीट करत माजी मुख्यमंत्री उद्धव ठाकरेंना टोला लगावलाय. (Latest Political News)
"कष्ट टाळू मुख्यमंत्री ते ‘कष्टाळू’ मुख्यमंत्री; महाराष्ट्राचा बदलता राजकीय प्रवास!" असं ट्वीट खासदार श्रीकांत शिंदे यांनी केलं आहे. त्यांच्या या ट्वीटवरुन आता ठाकरे गटातून काय प्रतिक्रिया येणार हे पाहणे महत्वाचे ठरणार आहे.
मुख्यमंत्री एकनाथ शिंदेंनी आपल्या संपूर्ण कुटुंबासह मोदींची भेट घेतल्यावर या बाबात ट्वीटरवरुन माहिती दिली होती. "देशाचे पंतप्रधान म्हणून कणखर आणि सक्षम असलेल्या मा.नरेंद्र मोदीजी यांनी आज माझे वडील, पत्नी, मुलगा खासदार श्रीकांत शिंदे,सून आणि नातू यांच्यासह मला सदिच्छा भेटीला बोलावून आपलेपणाने विचारपूस केली. माझ्या कुटुंबाशी निवांत गप्पा मारल्या." असं ट्वीट एकनाथ शिंदेंनी केलं होतं.
आपल्या ट्वीटमध्ये पुढे त्यांनी पंतप्रधानांचे आभार मानले होते. यावर मोदींनी देखील ट्वीट करत एकनाथ शिंदेंचे कौतुक केले. यावेळी गतिशील आणि कष्टाळू मुख्यमंत्री असा उल्लेख मुख्यमंत्र्यांचा करण्यात आला.
या दोघांमधील संवादाचे ट्वीट आपल्या ट्वीटर अकाउंटवर शेअर करत खासदार श्रीकांत शिंदेंनी (Shrikant Shinde) उद्धव ठाकरेंवर नाव न घेता टीका केलीये. त्यांच्या या टीकेला ठाकरे गटाकडून काय प्रत्युत्तर मिळणार हे पाहणं महत्वाचं ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.