Nana Patole Car Accident: नाना पटोले यांच्या कार अपघातप्रकरणी मोठी अपडेट; ट्रक चालक पोलिसांच्या ताब्यात

Nana Patole Car Accident Update: मंगळवारी रात्री भंडारा शहरालगतच्या भीलवाडा गावाजवळ नाना पटोलेंच्या कारचा अपघात झाला होता. प्रचार आटोपून सुकळी गावाच्या दिशेने जात असताना मागून येणाऱ्या ट्रकने त्यांच्या कारला धडक दिली.
Nana Patole
Nana PatoleSaam tv

Truck driver in police custody :

काँग्रेस प्रदेशाध्यक्ष नाना पटोले यांच्या अपघाताबाबत मोठी बातमी समोर आली आहे. नाना पटोलेंच्या कारला धडक देणारा ट्रक पोलिसांनी ताब्यात घेतला आहे. तसेच ट्रक चालकाला देखील अटक केली आहे. पोलीस या प्रकरणी अधिक तपास करत आहेत.

Nana Patole
Truck Driver Strike: पोलीस बंदोबस्तात इंधन भरून टँकर रवाना; अनेक चालकांचा संपात सहभाग

गोवर्धन कुसरामला असं ट्रक चालकाचं नाव आहे. अपघातानंतर निवडणुकीच्या पार्श्वभूमिवर घातपात घडवण्याता प्रयत्न झाला असा आरोपही करण्यात आला होता. अशात आता ट्रक चालकाला अटक केल्यानंतर पोलिसांकडून त्याची कसून चौकशी सुरू आहे.

मंगळवारी रात्री भंडारा शहरालगतच्या भीलवाडा गावाजवळ नाना पटोलेंच्या कारचा अपघात झाला होता. प्रचार आटोपून सुकळी गावाच्या दिशेने जात असताना मागून येणाऱ्या ट्रकने त्यांच्या कारला धडक दिली. सुदैवाने या अपघातामध्ये नाना पटोले थोडक्यामध्ये बचावले.

नाना पटोलेंची प्रतिक्रिया

'अपघात की घातपात? पोलीस तपासानंतर सत्य समोर येईल', अपघातानंतर नाना पटोलेंची अशी प्रतिक्रिया दिली आहे. पोलीसांच्या तपासानंतर सत्य काय आहे ते बाहेर येणार असल्याचंही त्यांनी म्हटलंय. अपघातासंदर्भात नाना पटोले यांनी घातपाताची शक्यता व्यक्त केली आहे.

काँग्रेसचे निवडणूक आयोगाला पत्र

राज्यात सध्या लोकसभा निवडणुकांची रणधुमाळी सुरू आहे. त्यात हा अपघात झाल्याने अपघाताप्रकरणी काँग्रेसने थेट निवडणूक आयोगाला पत्र लिहिलं आहे. या घटनेवर प्रश्नचिन्ह उपस्थित करत काँग्रेसने चौकशीची मागणी केली आहे. कारला झालेला अपघात हा निव्वळ अपघात होता की कट याची सखोल चौकशी करण्याची मागणी काँग्रेसने केली आहे.

Nana Patole
Nana Patole Car Accident: नाना पटोले यांच्या कार अपघातप्रकरणी काँग्रेसचे निवडणूक आयोगाला पत्र, चौकशीची केली मागणी

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com