नागपूर ते अमरावती मेट्रो सुरू करणार - केंद्रीय मंत्री नितीन गडकरी

अमरावती: विदर्भाच्या विकासाला गती देण्यासाठी व ग्रामीण भागही मेट्रो सिटी करण्याची महत्त्वाची घोषणा केंद्रीय रस्ते वाहतूक मंत्री नितीन गडकरी यांनी अमरावतीत केली. नागपूर ते अमरावती मेट्रो सुरु करुन ते अंतर १ तास २५ मिनिटांमध्ये कापले जाणार त्यामुळे जलद गतीने प्रवास करता येणार आहे. (Nagpur to Amravati Metro to be launched - Union Minister Nitin Gadkari)

हे देखील पहा -

केंद्रीय मंत्री नितिन गडकरी म्हणाले की, पुढील काळात मिनी मेट्रोद्वारे विदर्भातील शहरे जोडण्याचे नियोजन आहे. नागपूर येथून वडसा, बडनेरा, यवतमाळ, रामटेक, चंद्रपूर, वर्धा अशा शहरांना मिनी मेट्रोद्वारे जोडण्याचा प्रकल्प हाती घेण्यात येणार आहे. आठ डब्यांच्या या मेट्रोत अत्याधुनिक सेवा उपलब्ध असतील व त्यातील इकॉनॉमी श्रेणी डब्याचे प्रवास दर बस प्रवासाइतके माफक असतील.

या प्रकल्पासाठी उद्योजकांनी पुढे येण्याचे आवाहन त्यांनी केले. विदर्भात अनेक रस्त्यांच्या  कामांना मेट्रोच्या माध्यमातून चालना देण्यात आली आहे. अमरावतीत काल रात्री विविध विकास कामांच्या रस्त्याचे भूमिपूजन गडकरी यांच्या हस्ते पार पडले यावेळी त्यांनी महत्त्वाची घोषणा केली.

Edited By - Akshay Baisane