Nagpur Crime: शिक्षकाचा प्रताप, शौचालयात चोरून महिलांचे काढायचा व्हिडिओ; विकृताला पोलिसांकडून अटक

शाळेतील स्वच्छतागृहात लपून महिलांचे व्हिडिओ काढल्या प्रकरणी एका शिक्षकाला अटक करण्यात आली आहे. ही धक्कादायक घटना नागपूर शहरातील सीताबर्डी पोलीस ठाण्यांतर्गत येणाऱ्या शाळेत घडली आहे. कला शिक्षक म्हणून कार्यरत असणारा शिक्षक सीताबर्डी येथील विदर्भ साहित्य संघ संकुलात एका कार्यक्रमाला गेला होता. महिला शौचालयात गेली असल्याचं पाहताच शिक्षकानं खिडकीतून चित्रीकरण केलं आहे. ही बाब समोर आल्यानंतर पोलिसांनी आरोपीला बेड्या ठोकल्या आहेत.

नागपुरातील सीताबर्डीमध्ये एक धक्कादायक घटना घडली आहे. एका शिक्षकानं चक्क शौचालयातील खिडकीतून महिलांचे व्हिडिओ काढले आहेत. हे धक्कादायक कृत्य समोर आल्यानंतर नागरीकांनी संताप व्यक्त केला आहे. मंगेश खापरे असे आरोपी शिक्षकाचे नाव असून, पोलिसांनी त्याला बेड्या ठोकल्या आहेत.

दिघोरी येथील एका शाळेत कला शिक्षक म्हणून मंगेश कार्यरत आहे. सीताबर्डी येथील विदर्भ साहित्य संघ संकुलातील एका कार्यक्रमात मंगेश गेला होता. त्यावेळी एक महिला शौचालयात गेली. शौचालयात गेल्यानंतर मंगेश त्या महिलेच्या मागोमाग गेला. महिला शौचालयात गेल्यानंतर मंगेशनं खिडतीतून तिचे चित्रीकरण केले.

महिलेला अचानक संशय आला. मंगेशला चित्रीकरण करत असताना महिलेने रंगेहाथ पकडलं. महिलेने आरडाओरडा केला. यावेळी तेथील काही नागरीकांनी आरोपी मंगेशला पकडले आणि फोन हिसकावून घेतला. मंगेशच्या मोबाईल फोनची तपासणी केली असता, त्यात ८ -१० व्हिडिओ आढळून आले.

व्हिडिओ पाहताच नागरीकांचा संताप अनावर झाला. त्यांनी तातडीने थेट सीताबर्डी पोलिसांना याची माहिती दिली. सीताबर्डी पोलिसांनी तत्काळ कारवाई करत आरोपीला अटक केली आहे. याआधीही मंगेशने एका सार्वजनिक कार्यक्रमा दरम्यान कृत्य केल्याचे पोलिसांच्या तपासात उघडकीस आले होते. या घटनेनंतर परिसरात एकच खळबळ उडाली आहे.