Kolhapur bus accident: गोव्यावरून परत येताना मध्यरात्री काळाचा घाला, खासगी बसचा भीषण अपघात, १ ठार तर ३० प्रवासी गंभीर जखमी

कोल्हापूर जिल्ह्यातील हळदी - कांडगाव मार्गावर खासगी बसचा भीषण अपघात घडला आहे. मध्यरात्री खासगी बस उलटल्याने मोठ्या प्रमाणात प्रवासी जखमी झाले आहेत. ही खासगी बस गोव्यावरून छत्रपती संभाजीनगर येथे जात होती. हळदी - कांडगाव मार्गावर तीव्र वळण घेत असताना खासगी बसचा भीषण अपघात झाला आहे. या बस अपघातात एकाचा मृत्यू तर, तीस प्रवासी जखमी असल्याची माहिती समोर आली आहे.

गोव्यावरून छत्रपती संभाजीनगरला जाणाऱ्या खासगी बसचा भीषण अपघात झाला आहे. ही खासगी बस गोव्यावरून छत्रपती संभाजीनगरला जात होती. मात्र, कोल्हापुरातून जात असताना हळदी - कांडगाव मार्गावर तीव्र वळणावरून जात असताना बसचा भीषण अपघात घडला आहे. या भीषण बस अपघातात एकाचा मृत्यू तर, ३० जण गंभीर असल्याची माहिती आहे.

भीषण बस अपघातात जखमी झालेले प्रवासी आणि मृत व्यक्ती छत्रपती संभाजीनगरमधील असल्याची माहिती समोर आली आहे. जखमींवर सध्या कोल्हापूरमधील सीपीआर रूग्णालयात उपचार सुरू आहे. हे प्रवासी छत्रपती संभाजीनगरच्या कंपनीतील कर्मचारी आहेत आणि हे सर्व प्रवासी गोव्याला सहलीसाठी गेले होते.

ही खासगी बस सायंकाळी ७ वाजता कणकवलीवरून सुटली. नंतर फोंडा घाटातून कोल्हापूर मार्गे ही बस निघाली होती. मात्र, कोल्हापुरात पोहोचल्यानंतर हळदी कांडगाव मार्गावर मध्यरात्रीच्या सुमारास बस उलटल्याची माहिती समोर आली आहे. हा अपघात नेमका घडला कसा याचा शोध सुरू आहे.