Nagpur: खेळता-खेळता उघड्या चेंबरमध्ये पडली, १८ महिन्यांच्या चिमुकलीचा दुर्देवी मृत्यू; आई वडिलांचे रडून रडून हाल

18-month-old girl dies after falling into open drain: नागपूरच्या भांडवाडी परिसरात उघड्या चेंबरमध्ये पडून १८ महिन्यांच्या चिमुकलीचा मृत्यू झाला. उपचारादरम्यान मृत्यू झाल्याने परिसरात हळहळ व्यक्त होत आहे.
Nagpur News
Nagpur NewsSaam TV News
Published On

पराग ढोबळे, साम टीव्ही

उघड्या चेंबरमध्ये पडून १८ महिन्यांच्या चिमुकलीचा दुर्देवी मृत्यू झाला आहे. ही धक्कादायक घटना नागपूरच्या भांडवाडी परिसरातून उघडकीस आली आहे. चेंबरमध्ये ती बेशुद्ध पडली. त्यानंतर आई वडिलांनी तिला तातडीने रूग्णालयात उपचारासाठी नेलं. मात्र, उपचारादरम्यान तिचा मृत्यू झाला. या घटनेनंतर परिसरात शोककळा पसरली असून पालकांवर दुःखाचा डोंगर कोसळला आहे.

देवांशी श्याम साहू असं १८ महिन्यांच्या मृत मुलीचं नाव आहे. प्राथमिक माहितीनुसार, घराबाहेरील चेंबर उघडं होतं. देवांशी खेळत असताना त्या उघड्या चेंबरमध्ये पडली. चेंबरमध्ये पडल्यानंतर ती जोरजोरात ओरडू लागली. मात्र, काही क्षणात घाबरून ती चेंबरमध्येच पडली. घरच्यांनी तिला तातडीने बाहेर काढत रुग्णालयात दाखल केलं. तिच्यावर उपचार सुरू होते.

Nagpur News
Politics: उत्तर महाराष्ट्रात अजित पवारांकडून शरद पवारांना धक्का, बड्या नेत्यासह मुलाने हातात घातलं 'घड्याळ'

मात्र, उपचारादरम्यान सायंकाळच्या सुमारास तिचा मृत्यू झाला. देवांशीचं कुटुंब बांधकामासाठी नागपुरात आलेलं असून भांडवाडी परिसरात राहत होते. घराचं काम सुरू असल्यामुळे साहू कुटुंब कामगार म्हणून त्या परिसरात वास्तव्यास असल्याचं सांगितलं जात आहे. या घटनेनंतर परिसरात शोककळा पसरली असून पालकांवर दुःखाचा डोंगर कोसळला आहे.

Nagpur News
Pune: मोठी बातमी! पुण्यातील अल्पवयीन मुलीनं दिल्लीत आयुष्य संपवलं; टोकाचं पाऊल उचलण्यामागचं नेमकं कारण काय?

विहिरीत अल्पवयीन मुलीचा मृतदेह आढळल्यानं खळबळ

पिंपरी-चिंचवड शहरातील चरोहली परिसरामध्ये एका १७ वर्षीय अल्पवयीन मुलीचा विहिरीत मृतदेह आढळला. चरोहली परिसरातील तापकीर मळा या ठिकाणी एका विहिरीमध्ये मुलीचा विहिरीत आढळला. वैष्णवी इंगवले असे मृत अल्पवयीन मुलीचे नाव आहे. पिंपरी चिंचवड महापालिकेच्या अग्निशमन दलाने वैष्णवी इंगवले हिचा मृतदेह विहिरीतून काढून दिघी पोलिसांच्या स्वाधीन केलं. सध्या वैष्णवी इंगवले हिने आत्महत्या केली की हत्या झाली, याचा तपास सुरू आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com