व्यापा-यांसह दहा अटकेत; जुगाराच्या साहित्यासह १९ लाखांचा मुद्देमाल जप्त

नागपूर : नागपूरच्या (nagpur) कोराडी राेड परिसरातील एका हॉटेलमध्ये सुरू असलेल्या जुगारा दरम्यान पाेलिसांनी (police) धाड टाकत दहा जणांना अटक (arrest) केली. यामध्ये काही व्यापा-यांवर देखील कारवाई झाल्याची प्राथमिक माहिती समाेर आली आहे. यामुळे व्यापारी वर्गात खळबळ उडाली आहे. (nagpur latest marathi news)

कोराडी रोडवर एका हॉटेल मालकाने हॉटेलमधील एका रूममध्ये पत्त्यांवर खेळला जाणारा जुगार भरवला आहे. तेथे मोठ्या प्रमाणात पैसे लावले जात असल्याची माहिती खब-याकडून गुन्हे शाखा पोलिसांना मिळाली.

त्यानंतर गुन्हे शाखा पोलिसांनी संबंधित हाॅटेलवर धाड टाकली. त्यावेळी घटनास्थळी माेठ्या रक्कमेसह दहा जणांना ताब्यात घेण्यात आले. त्यानंतर पाेलीसांनी ताब्यात घेतलेल्यांची वाहनं आणि इतर साहित्य असे सुमारे 19 लाख रुपयांचा मुद्धेमाल जप्त केला. या प्रकरणी गुन्हा दाखल करण्याचे काम सुरु असल्याची माहिती मुकुंद साळुंखे (पीआय गुन्हे शाखा) यांनी दिली. पोलिसांनी केलेल्या या कारवाईनंतर अशा प्रकारे लपून छपून जुगार खेळणाऱ्यांमध्ये चांगलीच तंतरली आहे.

Edited By : Siddharth Latkar