Nagpur News: सरकारी वैद्यकीय महाविद्यालय प्रवेशाचे आमिष; ५२ लाखात फसवणूक

नागपूर : मुलीला वैद्यकीय महाविद्यालय प्रवेश मिळवून देतो; म्हणून तब्बल ५२ लाख रुपयांची फसवणूक केल्याची घटना (Nagpur) नागपुरात उघडकीस आली. तामिळनाडूच्या ठगबाजानी नागपूरच्या पालकाला हा गंडा (Fraud) घातला असून या प्रकरणी तामिळनाडूच्या तिघांवर गुन्हा दाखल करण्यात आला आहे. (Live Marathi News)

नागपूरातील ओमप्रकाश वंदेवार असं फसवणूक झालेल्याचे नाव आहे. फिर्यादी हे सलुनचा व्यवसाय करत असून त्यांच्या मुलीने नीटची परीक्षा पास केली. मात्र मार्क काहीशे कमी असल्याने तिला सरकारी कोट्यात प्रवेश मिळाला नाही. म्हणून वडील प्रयत्नात असताना त्यांना तामिळनाडूच्या (Tamilnadu) एकाचा नंबर मिळाला.

यानंतर ओमप्रकाश यांनी संपर्क साधला असता त्याने तामिळनाडूच्या ख्रिश्चन मेडिकल कॉलेजमध्ये मुलीला एमबीबीएसला प्रवेश मिळवून देण्याचे आमिष दिले. त्यासाठी ओमप्रकाश यांच्याकडून तामिळनाडूच्या तिघांनी तब्बल ५२ लाख रुपये घेतले. मात्र पैसे देऊनही प्रवेश मिळाला नाही. यामुळे अखेर नागपूरच्या मानकापूर पोलीस स्टेशनला त्यांनी तक्रार दिली. यात तिघांवरुद्ध गुन्हा दाखल करण्यात आला.