Nagpur News: भाविकांप्रमाणे पुजाऱ्यांनाही ड्रेस कोड हवा; राष्ट्रवादी काँग्रेसची मागणी

नागपूर : मंदिर महासंघाच्या आवाहनावर नागपुरातील पाच मंदिरांमध्ये वस्त्र संहिता लागू करण्यात आली. मंदिरातील पवित्र कायम (Nagpur News) राहावे, यासाठी भक्तांनी मंदिरात प्रवेश करताना चित्रविचित्र किंवा अश्लील कपडे घालू नये, असे मंदिर महासंघाचं म्हणणं आहे. मात्र, भक्तांप्रमाणेच पुजाऱ्यांनाही वस्त्र संहिता लागू करावी; अशी मागणी (NCP) राष्ट्रवादी काँग्रेसचे प्रदेश उपाध्यक्ष शेखर सावरबांधे यांनी केलीय. (Breaking Marathi News)

मंदिर महासंघाने आवाहन केल्यावर नागपूरातील पाच मंदिरांमध्ये वस्त्र संहिता लागू करण्यात आलीय. त्यानंतर आता पुजाऱ्यांनाही ड्रेस कोडची मागणी पुढं आलीय. भाविकांना वस्त्र संहिता लागू केली, यावर आमचा आक्षेप नाही. मात्र, अनेक मंदिरात पुजारी खाली धोतर आणि वर केवळ दुपट्टा किंवा काहीही घातलेले नसते. त्यामुळे भाविकांनी जर नीट कपडे घालावे असे वाटत असेल तर तोच नियम पुजाऱ्यांनाही लागू होतो.

पुजाऱ्यांनी मागणीचे स्वागत

शेगावच्या संत गजानन मंदिरात पुजारी आणि सेवक पैजामा, शर्ट आणि डोक्यावर टोपी या एकाच पोशाखात असतात. त्याच धर्तीवर (Shegaon) इतर मंदिरातही तशा किंवा इतर पारंपरिक पोशाखात पुजारी असावेत, अशी मागणी राष्ट्रवादीचे सावरबांधे यांनी केली आहे. दुसरीकडे पुजाऱ्यांनी या मागणीचे स्वागत केले आहे. सर्व पुजाऱ्यांनी एकच वस्त्र संहिता असेल तर यात काहीच हरकत नसल्याचं त्यांचं म्हणणं आहे.