Nagpur: पाच वर्षीय मुलीचा सेप्टिक टॅंकमध्ये बुडून दुर्दैवी मृत्यू; मन हेलावून टाकणाऱ्या घटनेने सर्वत्र हळहळ

मंगेश मोहिते...

Nagpur News: नागपूरात पाच वर्षीय मुलीचा प्लॉटवरील सेप्टिक टॅंकमध्ये पडून दुर्दैवी मृत्यू झाल्याची घटना आज सकाळी उघडकीस आली आहे. ज्योती साहू असं मृतक मुलीचं नाव असून तीला बोलता येत नव्हतं. गुरुवार दुपारपासून ती बेपत्ता असल्यानं तिचा शोध सुरू होता. शोध घेत असतानाच हा मन हेलावून टाकणारा प्रकार समोर आला आहे. (Latest Marathi News)

याबाबत समोर आलेल्या माहितीनुसार, ज्योती साहू ही लहान मुलगी काल दुपारपासून गायब होती. तिला बोलताही येत नव्हते. ज्योती गायब झाल्यानंतर सगळीकडे तिची शोधाशोध करण्यात आली होती. आज सकाळी वडील राजू शाहू हे शोध घेत असताना घरालगत काही अंतरावर अर्धवट प्लॉटचा बांधकाम सेप्टिक टॅंकच्या पाण्यात बुडाल्याने ज्योतीचा मृत्यू झाल्याचे उघडकीस आले आहे.

दरम्यान, ज्योतीला बोलता येत नव्हते आणि ती लहान मुलांसोबत खेळत होती. खेळता खेळता ती टाकीत पडली. मात्र तिचा आवाज आला नाही. या टाक्यात जाळीमध्ये ती अडकली असावी त्यामुळे ती बाहेर न आल्यानं ज्योतीचा दुर्दैवी मृत्यू झाला. या मन हेलावून टाकणाऱ्या घटनेने परिसरात हळहळ व्यक्त केली जात आहे. (Nagpur)