Youth Drowned: तलाव पाहून पोहण्याचा मोह झाला अन् अनर्थ घडला; २० वर्षीय तरुणाचा बुडून मृत्यू

पराग ढोबळे, साम प्रतिनिधी

तलावातील पाणी पाहून पोहण्याचा मोह एका तरुणाच्या जीवावर बेतलाय. पोहोण्याच्या मोहापायी एका २० वर्षीय तरुणाचा मृत्यू झाल्याची घटना घडलीय. ही घटना नागपूरमधील हिंगणा तालुक्यातील सालईमेंढा येथे घडलीय. या घटनेने सर्वत्र हळहळ व्यक्त होत आहे. मिळालेल्या माहितीनुसार, पियुष सुरज सुखदेवे असं मृत पावलेल्या तरुणाचे नाव आहे. पियुष हा नागपूर जिल्ह्यातील कामठीत येथील रहिवाशी होता. पियुष आपल्या पाच मित्रांसोबत हिंगणा तालुक्यातील सालईमेंढा तलावकाठी फिरायला गेला होता.

मृणाल विमेश उर्क वय २०, हर्ष सिद्धार्थ थुलकर (१९) , करणं लक्ष्मण चौधरी(१८), क्रिश प्रकाश स्वामी आणि पियुष सुखदेवे हे पाचही मित्र सालईमेंढा तलावकाठी फिरायला गेले होते. तलावातील पाणी पाहून त्यांना पोहण्याचा मोह आला. तलावात पोहण्याचा आनंद घ्यावा असं त्यांना वाटलं आणि ते तलावात उतरले. पियुष हा खोल पाण्याचा प्रयत्न करू लागला.

पण त्याला तलावातील पाण्याचा अंदाज आला नाही. तो पाण्यात बुडू लागला. पियुषसोबत अजून एक मित्र होता त्यालाही पोहता येत नव्हतं. इतर बाकी मित्रांना त्याला पकडून तलावाच्या बाहेर काढलं. पण पियुषला वाचवण्यात त्यांना यश आले नाही. बाकी तीनजणांना बाहेर काढण्यात यश आले. पियुषला पाण्यातून बाहेर काढता न आल्यानं त्याचा पाण्यात बूडून मृत्यू झाला.

पियुषसोबत असलेल्या इतर मित्रांनी पोलिसांना घाबरत घाबरत घडलेल्या घटनेची माहिती. त्यानंतर पोलिसांनी घटनास्थळ गाठलं. पियुष खोल पाण्यात बुडल्याने त्याचा मृतदेह दिसत नव्हता. त्यामुळे पाच गोताखोरांना आणि अग्निशमक दलाला पाचारण करण्यात आले. गोताखोरांनी अग्निशमक दलाच्या बोटीच्या साहाय्याने पियुषचा शोध घेऊ लागले. काही वेळ शोध घेतल्यानंतर पियुषचा मृतदेह मिळाला.

सुमारे चार ते पाच तासानंतर त्याचा मृतदेह शोधण्यात अग्निशमक दलाला यश आले. मृणाल विमेश उके (२०),हर्ष सिद्धार्थ थुलकर (१९),दोघेही रा. कपिलनगर, नागपूर ,करणं लक्ष्मण चौधरी(१८) बाराखोली, जरीपटका आणि क्रिश प्रकाश स्वामी (१९)....मोतीबाग रेल्वे क्वार्टर, अशी यात थोडक्यात बचावलेल्या तरुणांची नावे आहेत.