Nagpur hit and run case : नागूपरमध्ये पुन्हा हिट अँड रन; फुटपाथवर झोपलेल्या ९ जणांना भरधाव कारने चिरडले, दोघांचा मृत्यू

पराग ढोबळे, साम टीव्ही प्रतिनिधी

नागपूर : नागपूरमधील रामझुला हिट अँड रनची घटना ताजी असताना आणखी एक असाच प्रकार समोर आला आहे. नागपुरातील दिघोरी नाक्याजवळ रविवारी हिट अँड रनची घटना घडली आहे. रविवारी मध्यरात्री ही घटना घडल्याची माहिती समोर आली आहे. या घटनेत एका दोघांचा मृत्यू झाला आहे. या घटनेनंतर नागपुरात एकच खळबळ उडाली.

मिळालेल्या माहितीनुसार, नागपूरमधील दिघोरी नाक्याजवळ हिट अँड रनची आणखी एक घटना समोर आली आहे. रविवारी रात्री मध्यरात्री रस्त्याच्या कडेला फुटपाथवर बंजारा कुटुंब झोपलं होतं. त्यानंतर भरधाव वाहनाने या बंजारा कुटुंबातील लोकांना चिरडले. रविवारी मध्यरात्री १२.३० वाजताच्या सुमारास ही घटना घडली आहे.

रस्त्याच्या फुटपाथवर झोपलेल्या बंजारा कुटुंबातील एकूण ९ जण झोपले होते. या भीषण अपघातात चार महिला आणि लहान मुले असे एकूण ९ जण झोपले होते. या अपघातात एक महिला आणि पुरषाचा मृत्यू झाला आहे. पोलिसांनी या अपघात प्रकरणी एका अटक केल्याची माहिती हाती आली आहे.

प्रत्यक्षदर्शी व्यक्तीने सांगितले की, कार वेगात होती. कार वेगाने आल्यानंतर घराच्या दिशेने शिरली. या कारमध्ये काही लोक होते. फूटपाथवर ८ ते ९ लोक झोपले होते. तर अपघातात काही जणांचा मृत्यू झाला आहे'.

दरम्यान, अपघातानंतर घटनास्थळी एकच खळबळ उडाली. या अपघातामधील जखमींना रुग्णालयात दाखल करण्यात आलं आहे. तसेच पोलिसांनी अपघातग्रस्त कार जप्त केली आहे.

दरम्यान, कारमधील लोक दारू प्यायल्याची शंका आहे. पोलिसांनी वैद्यकीय तपासणी केली असून अहवाल येणार आहे. यातील एका आरोपीला अटक केली आहे. भूषण लांजेवार असं आरोपीचं नाव आहे. या अपघातात एका महिला आणि एका पुरुषाचा मृत्यू झाला आहे, अशी माहिती पोलीस निरीश्रक विजय बीजे यांनी दिली.