Nagpur Crime News: नात्‍यातीलच मुलीवर प्रेम करणे पडले महागात; प्रेम प्रकरणातून हल्‍ला; युवकाची मृत्‍यूशी झूंज

नागपूर : नागपूरच्या यशोधरानगर पोलीस स्टेशन हद्दीत प्रेम प्रकरणातून एकावर चाकूने जबरी हल्ला झाला. त्यात तो गंभीररित्या (Nagpur News) जखमी झाला आहे. जखमीवर रुग्णालयात उपचार सुरू असून तो गंभीर आहे. याप्रकरणी पोलिसांनी (Police) दोन आरोपींना अटक केली. परिसरात चांगलीच खडबड उडाली आहे. (Letest Marathi News)

नागपूरच्या यशोधरा नगर पोलीस स्टेशन हद्दीतील वनदेवीनगर परिसरातील झोपडपट्टीमध्ये प्रेम प्रकरणातून एका युवकावर दोघांनी चाकू हल्ला करून त्याला गंभीर जखमी केले. तो रुग्णालयामध्ये मृत्यूची झुंज देत आहे. जखमी युवकाचे ज्या युवतीसोबत प्रेम संबंध होते; तो तिच्या नात्यातीलच असून आरोपींना त्यांच्या प्रेम संबंधावर आक्षेप होता.

मुलीपासून दूर राहण्याची दिली होती धमकी

याआधी सुद्धा त्या मुलीपासून दूर राहण्याची धमकी आरोपींनी दिली होती. मात्र यांचे प्रेम संबंध सुरूच असल्याने आरोपींनी त्याच्यावर भरदिवसा वस्तीमध्ये चाकू हल्ला (Crime News) केला. त्यामुळे परिसरात चांगलीच खडबड उडाली असून पोलिसांनी जखमीला रुग्णालयात दाखल करून उपचार सुरू केले. तर आरोपींना बेड्या ठोकून अटक करण्यात आली.