Nagpur Shocking : अंत्यविधीला ७५००० रुपये, व्हॉट्सअ‍ॅप स्टेटसला VIDEO; लग्नाच्या वाढदिवशी नवरा-बायकोने एकाचवेळी मृत्यूला कवटाळलं

नागपूर : नागपुरातून खळबळजनक घटना समोर आली आहे. नागपुरात लग्नाच्या वाढदिवशी नवरा बायकोने गळफास घेऊन आत्महत्या केल्याची घटना घडली आहे. आर्थिक परिस्थितीमुळे या नवरा-बायकोने जीवन संपवल्याची प्राथमिक माहिती हाती आली आहे. नागपूरच्या मार्टीननगरातील या महिलने आत्महत्या करण्यापूर्वी व्हिडिओ बनवून व्हॉट्सॲप स्टेट्सवर ठेवला. तसेच एक नोट देखील लिहिली. या संपूर्ण घटनेने नागपुरात खळबळ उडाली आहे.

मिळालेल्या माहितीनुसार, नागपुरात लग्नाच्या वाढदिवशी पती-पत्नीने आत्महत्या केल्याची घटना घडली आहे. या जोडप्याने लग्नाच्या वाढदिवशी लग्नाचे कपडे परिधान करून आर्थिक परिस्थितीला कंटाळून आत्महत्या केल्याची खळबळजनक घटना घडली आहे. या जोडप्याने आत्महत्येपूर्वी नोट देखील लिहिली.

नागपुरातील या महिलेने आत्महत्या करण्यापूर्वी व्हिडिओ बनवून व्हॉट्सॲप स्टेटसवर ठेवला होता. पती जारील ऊर्फ टोनी ऑस्कर मॉनक्रिप आणि पत्नी ॲनी जारील मॉनक्रिप असे दोघांचे नाव आहे. जरीपटका पोलीस ठाण्याच्या हद्दीतील मार्टीननगरात ही दुर्दैवी घटना घडली आहे. या दोघांनी अंत्यविधीसाठी घरात 75 हजार रुपये ठेवले असल्याचं सुद्धा चिठ्ठीत नमूद करत माफी मागितली.

पोलिस निरीक्षक अरुण क्षीरसागर यांनी सांगितलं की, 'आम्हाला मार्टिननगरमध्ये पती-पत्नीने साडे सात वाजता ही माहिती हाती आली. त्यांच्या नातेवाईकांनी ही माहिती पोलिसांना दिली. त्यानंतर तातडीने पोलीस घटनास्थळी पोहोचले. पती ५४ वर्षांचे आहेत. तर पत्नी ४५ वर्षांचे आहेत. पत्नीही लग्नाच्या जोड्यात होती. या दोघांनी आत्महत्येपूर्वी चिठ्ठी लिहिली होती. त्यांनी स्टेटसवरही व्हिडिओ पोस्ट केला होता. महिलेचा पती चार-पाच वर्षांपासून बेरोजगार होते. त्यांना मुलबाळ नव्हतं. ते शेफ होते. गेल्या काही दिवसांपासून दोघे आर्थिक परिस्थिती कंटाळले होते'.