नागपूर : नागपूर विधान परिषद निवडणुकीत घोडेबाजार होऊ नये, यासाठी भाजपने आपल्या नगरसेवकांना सहलीला पाठवले आहे. यामुळे नागपूर महापालिकेत शुकशुकाट दिसून येत आहे. नागपूर महापालिकेत भाजपचे 156 पैकी 105 नगरसेवक आहे. सत्तापक्ष असल्याने सर्व समित्यांवर भाजप नगरसेवक आहेत. सर्व नगरसेवक सहलीला गेल्याने या कॅबिनमध्ये शुकशुकाट आहे.
हे देखील पहा-
एरवी या कॅबिन मध्ये कार्यकर्त्यांची रेलचेल आणि काम घेऊन येणाऱ्यांची वर्दळ असते. मात्र, महापालिकेत नगरसेवक सहलीवर आणि महापालिका वाऱ्यावर असे चित्र बघायला मिळत आहे. विधानपरिषद निवडणुकीची रणधुमाळी आता सुरू झाली आहे. कॉंग्रेसकडून साडेतीन दशक भाजपमध्ये असलेले ज्येष्ठ नगरसेवक डॉ. रवींद्र भोयर यांनी उमेदवारी दाखल करून रंगत निर्माण केली आहे.
डॉ. भोयर यांच्या उमेदवारीमुळे भाजपने सावध भूमिका घेतली आहे. काल, केंद्रीयमंत्री नितीन गडकरी यांनी नगरसेवकांसोबत चर्चा केली. या सर्व नगरसेवक, नगरसेविकांना एका एका गटामध्ये विभागण्यात आले आहे. उत्तम सुविधा करता यावी याकरिता १५ ते २० नगरसेवकांचा एक गट तयार करण्यात आला आहे. विधानसभानिहाय गट तयार करण्यात आले आहेत.
भाजपने जोखीम न घेण्याचा निर्णय घेतल्यामुळे या सर्वच नगरसेवकांना २७ नोव्हेंबरला सहलीला रवाना करण्यात येणार आहे. हे नगरसेवक वेगवेगळ्या शहरांमध्ये जाणार आहेत. नगरसेवकांच्या अनुपस्थितीत भाजपच्या पदाधिकाऱ्यांना प्रति नगरसेवक म्हणून काम करण्याची संधी आता मिळणार आहे. पुढील महापालिका निवडणुकीच्या पार्श्वभूमीवर या पदाधिकाऱ्यांची नागरिकांच्या समस्या सोडविण्याची रंगीत तालीम होणार असल्याची चर्चा रंगत आहे.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
