घरामध्ये अडचणीच्या ठिकाणी किंवा लाइट्स आणि किटक असलेल्या उजेडात पाल पाहायला मिळते. आजवर तुम्ही विविध प्रकारच्या पाली पाहिल्या असतील. काळ्या, पांढऱ्या अशा विचित्र पाली पाहताच अंगावर सर्रकन काटा उभा राहतो. अशात नागपूरमध्ये एक दुर्मिळ प्रजातीची पाल पाहायला मिळाली आहे.
दुर्मिळ पाल अगदी एखाद्या सापासारखी दिसत आहे. फोटोमध्ये तुम्ही पाहू शकता की पाल आकाराने अन्य पालींपेक्षा थोडी मोठी आहे. तसेच ही पाल ग्रे कलरची असून तिच्या पाठीवर बॉक्स बॉक्ससारखे आकार आहेत. हे बॉक्स देखील काळ्या आणि चॉकलेटी रंगाचे आहेत. नागपूरच्या पीपल फाटा आउटर या परिसरात ही पाल सकाळी आढळून आली होती.
काल सकाळी वाईल्डलाइफ सोसायटीच्या सदस्यांना फोनवर याबाबत माहिती मिळाली. सदर माहिती मिळताच गौरांग वाईकर आणि नीतीश भांदक्कर घटनास्थळी दाखल झाले. त्यांनी पालीला पकडले असून ही दुर्मीळ जातीची पाल असल्याचं म्हटलं आहे.
ही पाल दुर्मीळ असून तिचं नाव गिरी गेकोयेला असं आहे. ही पाल साल २०१६ मध्ये आढळली होती. त्याआधी सापासारखी पाल आढली होती तेव्हा कोलेगल गेको असं या पालिचं नाव होतं.
ही दुर्मिळ पाल मिळणे ही चांगली गोष्ट आहे परंतु या प्रजातीचे संरक्षण होणे गरजेचे आहे. या प्रजातीचा देखील निसर्ग चक्रात महत्त्वाचा वाटा आहे, असं संस्थापक पॉज आणि वन्यजीव अभ्यासक निलेश भणगे यांनी म्हटलं आहे.
सापासारखी पाल विषारी आहे का?
ही दुर्मिळ पाल सापासारखी दिसते. त्यामुळे अनेक व्यक्ती तिला पाहून घाबरतात. आपला जीव जाऊनये यासाठी अशा पालींचा जीव घेतात. खरंतर सापासारखी दिसणारी ही पाल अजिबात विषारी नाही. अशा पालींची संख्या दिवसेंदिवस घटत चालली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.