'... अन् त्यांना मी ३२ हजार मताने पाडलं; धनंजय मुंडे यांचा पंकजा मुंडेंना नाव न घेता टोला

परभणी : सामाजिक न्याय खात्याच्या मंत्री झाल्यावर कुणी माझ्यावर टीका केली.मला आठवत नाही कोणी केली .मात्र मला ३२ व्या नंबरच्या खात्याचं मंत्रीपद मिळालेला आहे , अशी टीका केली. नंतर ज्यांनी कोणी हे सांगितलं त्यांना मी ३२ हजार मताने पाडलं, असा टोला पंकजा मुंडेंना (Pankaja Munde) नाव न घेता राज्याचे सामाजिक न्याय विभागाचे मंत्री धनंजय मुंडे (Dhananjay Munde) यांनी लगावला. परभणीच्या गंगाखेड येथे एका सत्कार समारंभाच्या कार्यक्रमात आयोजित करण्यात आला होता. या सत्कार समारंभाच्या कार्यक्रमात धनंजय मुंडे बोलत होते. ( Maharashtra Politics Latest News In Marathi)

हे देखील पाहा -

सध्या राज्यात हनुमान चालीसा पठण करण्यावरून जोरदार राजकारण सुरू आहे. राणा दांपत्य आणि मनसे अध्यक्ष राज ठाकरे यांनी हनुमान चालीसा पठणावरून ठाकरे सरकारवर जोरदार टीका केली होती. या सत्कार समारंभाच्या कार्यक्रमात मंत्री धनंजय मुंडे यांनी राज ठाकरे आणि राणा दांपत्याचा चांगलाच खरपूस समाचार घेतला. धनंजय मुंडे यावेळी म्हणाले, 'राज्यात काहीजण उठलेत आणि आम्हालाच आमचा धर्म शिकवत आहेत, असं म्हणत धनंजय मुंडे यांनी राज ठाकरे यांच्या मशिदीवरील भोंगे काढण्याच्या आवाहनाचा समाचार घेतला.

दरम्यान,मंत्री धनंजय मुंडे यांनी आमदार रवी राणा आणि खासदार नवनीत राणा यांच्यावर जोरदार टीका केली.हनुमानाला प्रसन्न करण्यासाठी हनुमान चालीसा मंदिरात म्हणले जाते, कुणाच्या घरासमोर म्हणल्यास हनुमानचा प्रकोप लागत असल्याची टीका धनंजय मुंडे यांनी राणा दांपत्यावर केली .