शेतात कामाला गेलेल्या वृद्ध महिलेचा गळा दाबून खून...

बुलढाणा - लोणार Lonar तालुक्यातील भुमराळा येथील शेतात काम करणाऱ्या वृद्ध महिलेचा गळा दाबून निर्घृण खून Murder केल्याची घटना भुमराळा येथील गाव शिवारात  घडली आहे. दागिनेच्या मोहापायी अज्ञात चोरट्याने Theft हा प्रकार केला असावा असा संशय व्यक्त होत आहे.

भुमराळा तालुका लोणार येथील वृद्ध महिला कासाबाई नारायण चौधरी वय 65 वर्ष गावालगतच असलेल्या शेतात कामासाठी गेली होती. सदर महिला संध्याकाळी सहा वाजेपर्यंत घरी परत न आल्याने नातेवाईकांनी शोध सुरू केला. दरम्यान, काही नातेवाईक शेतात शोधत असताना सदर महिलेचा मृतदेह  आढळून आला.

हे देखील पहा -

सदर महिलेच्या अंगावरील दागिने चोरट्यांनी अक्षरशः ओरबडून व कानाचे लचके तोडून बळजबरीने नेले असल्याने दिसून आले. या महिलेच्या शरीरावर जखमेच्या खुणा आहेत या महिलेच्या अंगावर कानातील सोन्याचे रिंग पाच ग्रॅम कानातील सोन्याची फुले एक ग्रॅम हातातील चांदीच्या कडे, पाटल्या, मंगळसूत्र, पोत असे एकूण 56 हजार 500 रुपयांचे दागिने चोरट्यांनी लंपास केले.

सदर घटनेची फिर्याद मृतक महिलेचा नातू मधुकर दत्ता मोरे याने बिबी पोलीस स्टेशनला दिली असता  पोलीस स्टेशनचे ठाणेदार एल.डी तावरे व कर्मचारी दिनेश चव्हाण, अरुण सानप, अर्जुन सांगळे, यशवंत जैयवळ, घटनास्थळी दाखल झाले. घटनेचा पंचनामा करून अज्ञात आरोपी विरुद्ध गुन्हा नोंदविण्यात आला आहे असून पुढील तपास सुरू आहे.

Edited By - Shivani Tichkule