Mumbai Local : हार्बर मार्गावरील लोकल सेवा विस्कळीत; ३० मिनिटाने उशिराने वाहतूक

सिद्धेश म्हात्रे

Navi Mumbai News : मुंबईतील हार्बर मार्गावरील प्रवाशांसाठी मोठं वृत्त समोर येत आहे. हार्बर मार्गावरील रेल्वे वाहतूक विस्कळीत झाली आहे. त्यामुळे नेरूळ स्थानकावर प्रवाशांची गर्दी झाली झाली आहे. नेरूळ ते सीवूड्स दारावे रेल्वे स्थानकादरम्यान रेल्वे रुळाला तडा गेल्याची माहिती समोर येत आहे. रेल्वे रुळाला तडा गेल्याने वाशी ते पनवेल आणि पनवेल ते वाशी दरम्यान रेल्वे ठप्प झाली होती. मात्र,रेल्वे प्रशासनाने काही कालावधीनंतर हे रुळ दुरुस्तीचं काम पूर्ण केलं आहे. तरीही रेल्वे वाहतूक उशिराने सुरू आहे.

हार्बर मार्गावरील रेल्वे वाहतूक विस्कळीत झाल्याने रेल्वेचे वेळापत्रक कोलमडलं आहे. नेरूळ ते सीवूड्स दारावे रेल्वे स्थानकादरम्यान रेल्वे गेल्याने अनेक रेल्वे गाड्या रेल्वे स्थानकावर उभ्या आहेत. अर्धा ते चाळीस मिनिटांपासून नेरुळ रेल्वे स्थानकात रेल्वे उभ्या राहिल्याने प्रवाशांसाकडून संताप व्यक्त करण्यात येत आहे.

वाशी ते पनवेल आणि पनवेल ते वाशी दरम्यान रेल्वे ठप्प झाल्या होत्या. रेल्वे वाहतूक विस्कळीत झाल्याने रेल्वे स्थानकावर प्रवासी खोळंबले होते. मात्र, काही कालावधीनंतर हे रुळ दुरुस्तीचं काम पूर्ण केल्याची माहिती समोर येत आहे.

दरम्यान, हार्बर मार्गावरील रेल्वे वाहतूक विस्कळीत झाल्यानंतर रेल्वे प्रशासनाकडून रेल्वे रुळाच्या दुरुस्तीचं काम पूर्ण झाल्याने सीएसटी, वडाळा, पनवेल लोकल ट्रेन सुरळीत चालू झाल्या आहेत. लोकल ट्रेन सुरळीत सुरू झाल्या असल्या तरी रेल्वे वाहतूक ३० मिनिटाने उशिराने सुरु आहे.