School Bus Caught Fire: धक्कादायक! शाळकरी विद्यार्थ्यांना घेऊन जाताना मोठी दुर्घटना; धावत्या बसने घेतला पेट, पुढे काय घडलं?

Mumbai Fire News: मुंबईतून आगीची एक धक्कादायक घटना समोर आली आहे. शाळकरी विद्यार्थ्यांना घेऊन जाताना बसने अचानक पेट घेतला. सुदैवाने या घटनेत कोणतीही जीवितहानी झालेली नाही. या घटनेमुळे विद्यार्थी पूर्ण:ता भयभीत झालेत. (Latest Fire News)

मिळालेल्या अधिक माहितीनुसार, विरारमधिल (Virar) विवा कॉलेज रोडवर ही घटना घडली आहे. यात शाळेच्या बसला आग लागली असून बस पूर्णता जळून खाक झालीये. सकाळी मुलांना शाळेत घेऊन जात असताना बसमधून अचानक धूर निघू लागला. ड्रायव्हरने प्रसंगावधान दाखवत सर्व मुलांना तात्काळ बसमधून उतरवले.

रस्त्यावर उपस्थित नागरिकांच्या मदतीने सर्व मुलांना खाली उतरवण्यात आले. तसेच वाहन चालकाने तात्काळ पोलिसांना याबाबत माहिती दिली. घटनेची माहिती मिळताच घटनास्थळी अग्निशमन दलाचे जवान दाखव होऊन आगीवर (Fire) नियंत्रण मिळवले आहे. सुदैवाने या दुर्घटनेत कोणतीही जीवितहानी झाली नाही.

गोदामाला भीषण आग, कोट्यावधींचे नुकसान

दोन दिवसांपूर्वीच भिवंडीत आगीची मोठी घटना घडली होती. या घटनेत एका गोदामाला भीषण आग लागली होती. आगीमुळे एसी, फ्रिज, टीव्ही, वॉशिंगमशीन, मायक्रो ओव्हन असे इलेक्ट्रॉनिक साहित्य जळून खाक झाले. ही घटना काल (२४ जून) रात्री साडेनऊच्या सुमारास घडली. मात्र ही आग नेमकी कशी लागली हे अद्याप स्पष्ट झाले नाही.