मोठी बातमी! खासदार श्रीकांत शिंदे यांच्या ताफ्यातील गाड्यांचा अपघात; ३ गाड्या एकमेकांवर आदळल्या

नांदेडमधून मोठी बातमी हाती आली आहे. खासदार श्रीकांत शिंदे यांच्या ताफ्यातील चार गाड्यांचा अपघात झालाय. नांदेडच्या साठे चौकात शिंदेंच्या ताफ्यातील वाहनांचा अपघात झालाय. नांदेडहून नायगावकडे जाताना ही दुर्घटना घडली. आढावा बैठकीला जाताना ही घटना घडली.

खासदार श्रीकांत शिंदे यांच्या ताफ्यातील चार गाड्यांचा अपघात झाला. नांदेड शहरातील साठे चौक परीसरात ही घटना घडली.या तीन गाड्या एकमेकांवर आदळल्या.सकाळी नांदेडहून खासदार श्रीकांत शिंदे यांचा ताफा नायगावकडे निघाला.शिव संवाद दौऱ्यानिम्मित नायगाव येथे खासदार शिंदे हे पक्षाच्या आढावा बैठकी निघाले होते.शहरातून निघाल्यानंतर. साठे चौक येथे त्यांच्या ताब्यातील एका वाहनासमोर एक व्यक्ती अचानक आला. त्यामूळे चालकाने ब्रेक मारला.समोरच्या गाडीने अचानक ब्रेक मारल्याने मागच्या तीन गाड्या एकमेकांवर आदळल्या.

खासदार श्रीकांत शिंदे हे शिवसंवाद दौऱ्यावर आहेत. जालन्यातील दौऱ्यादरम्यान खासदार श्रीकांत शिंदे यांनी पक्षातील पदाधिकार्‍यांशी संवाद साधला. जिल्हा परिषद आणि पंचायत समितीच्या निवडणुकीत युती होईल अथवा नाही याची चर्चा करू नका,असं शिंदेंनी म्हटलं.

'सर्व ठिकाणी जागा लढवण्याचा निर्धार करा. कमिट्यांवर नियुक्त्या नाहीत, आमच्या भागात मंत्री, आमदार, खासदार नसल्याच्या तक्रारीत अर्थ नाही. लोकांचे प्रश्न सोडवण्यासाठी योग्य पद्धतीने प्रयत्न केले पाहिजे, असं श्रीकांत शिंदे यांनी सांगितलं.