Aurangabad: काम मंजूरीसाठी झेडपीच्या बांधकाम सभापतींनी मला मागितले ५ टक्के : खासदार इम्तियाज जलील

- अविनाश कानडजे

औरंगाबाद : औरंगाबादचे खासदार इम्तियाज जलील (imtiaz jaleel) यांनी जिल्हा परिषद (aurangabad zilla parishad) बांधकाम सभापती किशोर बलांडे (kishore balande) यांच्या विरोधात मुख्यमंत्री उद्धव ठाकरे (uddhav thackeray) आणि पर्यावरण मंत्री आदित्य ठाकरे (aaditya thackeray) यांच्याकडे लाच खाेरीची तक्रार केली आहे. ५० लाख रुपयांचे काम मंजूर करण्यासाठी बलांडे हे पाच टक्के दलाली मागत असल्याचा आराेप खासदार जलील यांनी केला आहे. (Imtiyaz Jaleel latest marathi news)

एका जिल्हा परिषदेच्या बांधकाम सभापतींनी खुद्द खासदारांनाच पाच टक्के दलाली मागितल्याने जिल्ह्याभरात एकच खळबळ उडाली आहे. ही मागणी फक्त मलाच नाही तर जिल्ह्यातील अनेक सरपंचांना केली असल्याचा दावा खासदार जलील यांनी केला आहे.

आगामी काळात हा संपूर्ण घोटाळा बाहेर काढणार असून त्यासाठी उच्च न्यायालायत देखील जाऊ असा इशारा खासदार जलील यांनी दिला आहे. मुख्यमंत्री उद्धव ठाकरे आणि पर्यावरण मंत्री आदित्य ठाकरे हे आमच्या तक्रारीची दखल घेत नक्कीच चौकशी लावतील असा विश्वास खासदार जलील यांनी व्यक्त केला आहे.

Edited By : Siddharth Latkar