Jayakwadi Dam: विखे जिल्ह्याचे नव्हे राज्याचे मंत्री, जायकवाडीच्या पाणी प्रश्नावरून भाजप आमदाराचा टाेला (पाहा व्हिडिओ)

Chhatrapati Sambhajinagar News :

मंत्री हे कुण्या जिल्ह्याचे नसतात तर ते महाराष्ट्राचे असतात. त्यामुळे विखे पाटील यांची भेट घेऊन विभागा-विभागांमध्ये भांडण लागतील असे ठराव घेऊ नये अशी विनंती करणार असल्याचे आमदार प्रशांत बंब (mla prashant bamb) यांनी साम टीव्हीशी बाेलताना नमूद केले. नगर जिल्ह्यातील पाणी मराठवाड्याला सोडू नये अशी भूमिका सर्व पक्षातील नेत्यांनी नगरचे पालकमंत्री राधाकृष्ण विखे पाटील (radhakrishna vikhe patil) यांच्या अध्यक्षतेखाली नगर येथे झालेल्या जिल्हा नियाेजन बैठकीत घेतली. त्यावर आमदार बंब यांनी तीव्र नाराजी व्यक्त केेली. (Maharashtra News)

पाणी प्रश्नावर सतत पाठपुरावा करणारे भाजपचे आमदार प्रशांत बंब यांनी यावर आक्षेप घेतला आहे. आता मंत्रीच जर बिनधास्त कायद्याची पायमल्ली करीत असतील तर कुणापासून काय अपेक्षा ठेवायची, असा प्रश्न आहे. त्यामुळे जायकवाडीच्या पाण्यासाठी संघर्ष अटळ आहे असं सध्या चित्र दिसतेय.

यामुळे जायकवाडीच्या पाण्यावरून आता राजकीय पटलावर मोठा संघर्ष होण्याची शक्यता निर्माण झाली आहे. समन्यायी पाणीवाटपाचा नियम पाळायचाच नाही, असं अहमदनगर आणि नाशिकच्या नेत्यांनी ठरवल्याचा आरोप होऊ लागला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar