Lonavala News : टायगर पॉईंटवरून पडून अभियंता मुलीचा मृत्यू; लोणावळ्यात फिरायला गेली असताना घडली घटना

मावळ : पर्यटन नगरीतील टायगर पॉईंटवर पर्यटनासाठी गेलेल्या एका महाविद्यालय विद्यार्थीनीचा पाय घसरून खोल दरीत पडून तिचा (Death) मृत्यू झाला. साक्षी रमेश होरे असे या मुलीचे नाव असून (Lonavala) घटनास्थळी पोलीस दाखल झाले आहेत. (Latest Marathi News)

पिंपरी- चिंचवडच्या (Pimpri Chinchwad) डॉ. डीवाय पाटील कॉलेज येथे इंजिनिअरिंगचे शिक्षण घेत असलेली साक्षी मोरे ही फिरायला गेली होती. टायगर पॉईंट येथे दरीत पडून तिचा मृत्यू झाला. यामुळे येथे गोंधळ उडाला होता. दरम्यान लोणावळ्यातील टायगर पॉईंट येथे ती फिरायला गेली होती का? किंवा तिचा पाय घसरून अपघात झाला? याचा शोध (Police) पोलीस घेत आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

रेस्क्यू टीमने काढले बाहेर 

घटनास्थळी लोणावळा शिवदुर्ग रेस्क्यू टीम आणि लोणावळा ग्रामीण पोलिसांची टीम दाखल झाली. रेस्क्यू टीमने जखमी साक्षीला टायगर पॉईंटच्या दरीतून बाहेर काढले, मात्र उपचारापूर्वी तिचा मृत्यू झाला असल्याचे खंडाळा प्राथमिक आरोग्य केंद्राचे वैधकीय अधिकारी यांनी घोषित केले.