Dog Attack : मुळशीत मुलावर भटक्या कुत्र्यांचा हल्ला; मुलगा गंभीर जखमी

मावळ : कॉलनी. रस्त्यांवर मोकाट कुत्र्यांचा त्रास प्रचंड वाढला आहे. रस्त्याने पायी चालणाऱ्या किंवा दुचाकीच्या मागे धावून हल्ला करण्याच्या घटना घडत आहेत. यातच मुळशीच्या घोटावडे फाटा येथे मोकाट कुत्र्यांनी एका मुलावर अचानक जीवघेणा हल्ला केला. कुत्र्यांनी अचानक केलेल्या हल्ल्यात मुलगा गंभीर जखमी झाला असून त्याला अतिदक्षता विभागात दाखल करण्यात आले आहे. 

मोकाट कुत्र्यांची दहशत सुरूच आहे. मुळशी येथील घोटावडे फाटा येथे कुत्र्यांनी केला एका लहान मुलांवर केला जीव घेणा हल्ला (Dog Attack) केला. सदर मुलगा सिंबायोसिस हाॅस्पिटलमध्ये अतिदक्षता विभागात उपचार घेत आहे. पिंपरी- चिंचवड शहरातील भटकी कुत्रे पकडून मावळ, मुळशी (Mulshi) या भागातील जंगलात सोडले जातात. मात्र हीच कुत्रे अन्नाच्या शोधात जंगलातून परत गावात येतात आणि दहशत माजवण्याचा प्रयत्न करतात. अशातच एका मुलावर कुत्र्यांनी झडप घालून त्याला घायाळ केलेले आहे.

मुळशीमध्ये अनेक वेळा मोकाट कुत्र्यांचा सुळसुळाट बघण्यासाठी मिळाला आहे. या पुर्वी देखील कोळवण खोऱ्यात एका जेष्ठ नागरिकांवर हल्ला केला होता. मुळशी तालुक्यात गटविकास अधिकारी पुर्णपणे वेळ देत नसल्याने याची तक्रार कोणाकडे करायची व या मोकाट कुत्रांचा बंदोबस्त कोण करणार? असा सवाल नागरिक आता उपस्थित करू लागले आहेत.