समृद्धी महामासमृद्धी महामार्गावर भीषण अपघात
अपघातात 6 जण जागीच ठार झाले आहेत.
छत्रपती संभाजीनगरमध्ये युतीच्या चर्चेत ट्विस्ट
जर शिवसैनिकांचं समाधान होत नसेल तर युतीबाबत विचार करणार
भाजपला प्रस्ताव देऊन त्यांना सांगूनही त्यांच्याकडूनच रिप्लाय येत नाही
संजय शिरसाट यांची उद्विग्न प्रतिक्रिया
जमलेल्या सैनिकांची बोलल्यानंतर त्यांनी माध्यमांना प्रतिक्रिया दिली
बीड - माजलगाव तालुक्यातील केसापुरी येथील जैन मंदिरात चोरी, दानपेटी देखील फोडण्याचा प्रयत्न.
- मंदिरातील दरवाजे आणि कपाट तोडुन काही पितळी मूर्त्या लंपास केल्या आहेत.
- दानपेटी देखील फोडण्याचा प्रयत्न केला मात्र दानपेटी फोडता आली नाही.
- पोलीसांनी घटनास्थळाचा पंचनामा केला असुन अज्ञात चोरट्यांच्या विरोधात गुन्हा दाखल केला आहे.
अहिल्यानगर महानगर महायुतीमध्ये फूट झाली
शिवसेना स्वबळावर निवडणूक लढवणार ...
महायुती मधील भाजप आणि राष्ट्रवादी काँग्रेस युतीमध्ये लढणार....
शिवसेनेचे जिल्हा प्रमुख अनिल शिंदे यांची माहिती...
युती आम्ही मोडली नाही अनिल शिंदेंची माहिती...
सन्मान जनक जागा मिळत नसल्याने शिवसेना शिंदे गट नाराज..
खोपोली मधील मंगेश काळोखे हत्याप्रकरणी राज्याच्या महिला आणि बालविकास मंत्री आदिती तटकर यांनी महेंद्र थोरवे यांच्यावर हल्लाबोल करत जोरदार प्रत्युत्तर दिलंय. महेंद्र थोरवे यांनी काळोखे यांच्या हत्येमागे सुनील तटकरे यांचाच हात असल्याचा आरोप केला होता.
पुणे महापालिकेसाठी एकनाथ शिंदेंची शिवसेना आणि दोन्ही राष्ट्रवादी एकत्र येणार?
भाजपकडून समाधानकारक जागा न मिळाल्यामुळे रवींद्र धंगेकर यांच्यासह इतर पदाधिकारी अजित पवारांच्या भेटीला?
रवींद्र धंगेकर, किरण साळी, अजय भोसले अजित पवारांच्या भेटीला आलेत. एकनाथ शिंदेंच्या शिवसेनेकडून अजित पवारांच्या राष्ट्रवादीला प्रस्ताव
२५ ते ३० जागांचा प्रस्ताव घेऊन शिवसेना अजित पवारांकडे
भाजपकडून "सन्मानपूर्वक" जागा न मिळाल्यामुळे शिवसेना अजित पवारांकडे गेलेत.
- बारा ज्योतिर्लिंगांपैकी एक असलेल्या त्र्यंबकेश्वराच्या दर्शनासाठी येणाऱ्या भाविकांसाठी महत्त्वाची बातमी
- नववर्षाच्या पार्श्वभूमीवर त्र्यंबकेश्वर मंदिर पहाटे ४ वाजेपासून भाविकांना दर्शनासाठी खुले होणार
- उद्या ३० डिसेंबरपासून ४ जानेवारीपर्यंत त्र्यंबकेश्वर मंदिर भाविकांना दर्शनासाठी पहाटे ४ वाजेपासून खुलं ठेवण्याचा निर्णय
- नववर्षाच्या पार्श्वभूमीवर त्र्यंबकेश्वराच्या दर्शनासाठी भाविकांची होणारी गर्दी लक्षात घेता निर्णय
- भाविकांच्या सोयीसाठी देवस्थान समितीचा निर्णय
धंगेकर यांच्यासह शिवसैनिक सुद्धा अजित पवारांच्या भेटीला
पुण्यात सेना राष्ट्रवादी युती होणार
- थोड्याच वेळात अधिकृत घोषणा होणार
- भारतीय जनता पक्ष नाशिक मध्ये स्वबळावर
- नाशिक मध्ये होणार तिरंगी लढत
- भाजप/महाविकास आघाडी/महायुती ( शिंदे सेना अजित पवार राष्ट्रवादी )
- ठाकरेंची शिवसेना, शरद पवारांची राष्ट्रवादी काँग्रेस, काँग्रेस आणि मनसे सर्व एकत्रित निवडणूक लढविणार
- मतविभाजन टाळण्यासाठी महाविकास आघडीचे सर्व घटक पक्ष एकत्रित लढणार
- भाजपचा पराभव करण्यासाठी महाविकास आघाडीतील सर्वपक्ष एकवटले
- शरद पवार राष्ट्रवादी आणि काँग्रेसला वाढवून देण्यात आल्या जागा
- उबाठा आणि मनसेने औदार्य दाखवत टिकवली एकी
भाजप आणि शिवसेनेच्या जागा वाटपाच्या संदर्भतील बैठकीची जागा ऐन वेळेवर बदलली...
हॉटेल मैफिल इन ऐवजी आता एका खाजगी महाविद्यालयामध्ये भाजप आणि शिवसेनेच्या महत्त्वाच्या नेत्यांची बैठक सुरू...
बैठकीत शिवसेनेचे मंत्री संजय राठोड आणि भाजपचे नेते संजय कुटे या दोन नेत्यांमध्ये चर्चा होत असल्याची सूत्रांची माहिती..
त्ता बहिरट यांचा अजित पवारांच्या राष्ट्रवादीमध्ये प्रवेश
दत्ता बहिरट काँग्रेस चे नेते
दत्ता बहिरट यांनी काँग्रेसकडून लढवली होती विधानसभा निवडणूक
शिवाजीनगर मधून दत्ता बहिरट हे नगरसेवक राहिले आहेत
नाशिकच्या नांदगाव नगर परिषदेच्या निवडणूकीत आमदार सुहास कांदे यांच्या नेतृत्वाखाली संपुर्ण नगरसेवक व थेट नगराध्य निवडूण आल्या नंतर आज नांदगाव येथे त्यांच्या उपस्थितीत सार्वजनिक नगराध्यक्ष सागर हिरे यांच्या सह नवनियुक्त नगरसेवकांनी शपथ घेत त्यांचा पदग्रहण सोहळा संपन्न झाला.यावेळी थेट नगराध्यक्ष सागर हिरे यांनी स्वत शहर विकासाची शपथ निवडूण आलेल्या सर्व २१ नगरसेवकांना दिली,या सावर्जनिक सोहळ्यासाठी मोठ्या संख्ये ने नांदगाव मधिल नागरीक सहभागी झाले होते.
महापालिका निवडणुकीसाठी आज पुण्यात अनेक राजकीय पक्षांचे उमेदवार उमेदवारी अर्ज दाखल करत आहेत. उमेदवारी भरण्यावेळीस उमेदवाराला अनामत रक्कम भरावी लागते. ही रक्कम साधारण २.५ ते ५ हजार असते आणि ते भरणे अनिवार्य असतं. असं असतानाच आज पुण्यातील एका उमेदवाराने ही रक्कम भरण्यासाठी थेट चिल्लर आणली.
बदलापूरच्या नवनिर्वाचित नगराध्यक्ष रुचिता घोरपडे यांनी आज पदभार स्वीकारला. पालिका कार्यालयात त्यांचं जंगी स्वागत करण्यात आलं. यावेळी स्थानिक आमदार किसन कथोरे तसच परशुराम आर्थिक महामंडळाचे अध्यक्ष कॅप्टन आशिष दामले हेही उपस्थित होते. भाजप आणि राष्ट्रवादीच्या नगरसेवकांनी एकमेकांना पेढे भरून आनंद साजरा केला. यावेळी बदलापूर शहरात पारदर्शक आणि भ्रष्टाचारमुक्त कारभार करण्याची ग्वाही नगराध्यक्षा रुचिता घोरपडे यांनी दिली.
सोलापूर महापालिका निवडणुकीत उमेदवारी वाटपावरून शिवसेना ठाकरे गटाची अंतर्गत धुसफूस चव्हाट्यावर
शिवसेना जिल्हाप्रमुख अजय दासरी काळ्या अंधारात उमेदवारी वाटप करत असल्याचा निष्ठावंत शिवसैनिकांचा आरोप
शहरातील एका हॉटेललात बैठक घेत निष्ठावंत शिवसैनिकांची जिल्हाप्रमुख अजय दासरी हटावची घोषणा
शहरातील सर्व पदाधिकाऱ्यांनी सामूहिक राजीनामे देण्याचा दिला इशारा
भाजपकडून आज पुण्यात उमेदवारी भरण्याचा पहिला मान मिळाला तो पुणे महानगरपालिका निवडणूक प्रमुख गणेश बिडकर यांना. भाजपने आज उमेदवारी अर्ज भरण्यासाठी यादी जाहीर न करता निश्चित केलेल्या उमेदवारांना फोन करून उमेदवारी अर्ज भरण्यासाठी परवानगी दिली. त्यामुळे भाजप चे पुणे शहराचे निवडणूक प्रमुख गणेश बिडकर यांनी आज अर्ज दाखल केला. यावेळी राज्याचे उच्च तंत्र शिक्षण मंत्री चंद्रकांत पाटील यांच्यासह आमदार हेमंत रासने उपस्थित होते. फॉर्म भरण्यापूर्वी बिडकर यांच्या कृतीने सगळ्यांचे लक्ष वेधलं. बिडकर हे भवानी पेठ क्षेत्रीय कार्यालयात फॉर्म भरण्यासाठी आले असता त्याठिकाणी चंद्रकांत पाटील उपस्थित होते. यावेळी बिडकर यांनी चप्पल काढत थेट गुडघ्यावर बसून चंद्रकांत पाटील यांच्या पायावर डोकं ठेऊन आशीर्वाद घेतले. यावेळी चंद्रकांत पाटील यांनी सुद्धा आश्चर्य व्यक्त केलं.
लक्ष्मीकांत अग्रवाल नामक उमेदवाराने आपला उमेदवारी अर्ज भरतांना 5 हजार रुपयाची चिल्लर आणत निवडणूक आयोगाला नामनिर्देशन पत्रासोबत जमा केली आहे. ही रक्कम मोजत असताना कर्मचाऱ्यांची काही वेळासाठी दमछाक झाल्याचे पाहायला मिळाले... लोक तांत्रिक जनाधार पार्टीचे उमेदवार लक्ष्मीकांत अग्रवाल यांनी 5 हजार चिल्लर स्वरूपात आज निवडणूक विभागाकडं जमा केलेय.. यामध्ये काही 10 आणि 5 रुपयांचे काही शिक्के होते... दरम्यान, 'अकोल्यातल्या झोन क्रमांक 5 मधील निवडणूक निर्णय अधिकारी कार्यालयातील हा प्रकार आहे.
खूप मोठी तयारी आमच्या २ पक्षांनी केली होती. आमचं सुप्रिया सुळे यांच्याशी बोलणी झाली होती मी स्वतः त्यांना सांगितलं होतं पण पुढे तसं झालंच नाही. योगायोगाने आमच्याकडे सगळ्या जागा होत्या. आम्हाला कुणकुण लागली होती त्यामुळे आमचा प्लॅन B होता अशी माहिती उद्धव ठाकरेंच्या शिवसेनेचे नेते सचिन अहिर यांनी आज दिली. पुणे महापालिका निवडणुकीसाठी उबाठा आणि काँग्रेस ची युती झाली असून काँग्रेस ६० जागा तर ४५ जागा शिवसेना उबाठा लढवणार आहेत
जळगाव महापालिका सार्वत्रिक निवडणुकीसाठी उमेदवारी अर्ज दाखल करायला केवळ दोन दिवस शिल्लक आहेत. सोमवारी व मंगळवारी इच्छुकांची प्रचंड गर्दी उसळली आहे. त्यामुळे प्रशासन अलर्ट मोडवर आले आहे आज आणि उद्या सर्वाधिक अर्ज दाखल होण्याची शक्यता आज सकाळपासूनच उमेदवारी अर्ज दाखल करण्यासाठी मोठी गर्दी महापालिका या ठिकाणी बघायला मिळाली.
अकोला-
शिवसेना ठाकरे गटाचं अकोल्यात पायी रॅली काढत मोठं शक्तिप्रदर्शन.
उमेदवारांनी ग्रामदैवत राजेश्वराचं दर्शन घेत दाखल केलेत उमेदवारी अर्ज.
आमदार नितीन देशमुखांच्या नेतृत्वात ठाकरे गटाचं शक्तिप्रदर्शन.
नाशिक -
- आमदार सीमा हिरे यांच्या मुलीकडूनही उमेदवारी अर्ज दाखल
- नाशिक मध्ये एकीकडे कार्यकर्ते पक्षप्रवेशावर नाराज असताना दुसरीकडे आमदारांच्या मुलांकडूनच उमेदवारी अर्ज केला जातोय दाखल
- आमदार देवयानी फरांदे यांचा मुलगा अजिंक्य फरांदे , आमदार सीमा हिरे यांची मुलगी रश्मी हिरे , दीर योगेश हिरे यांच्याकडून उमेदवारी अर्ज दाखल
नवी मुंबई -
नवी मुंबईत शिवसेना आणि भाजप यांच्या युतीबाबत चर्चा अजूनही सुरू
एकूण १११ नगरसेवक संख्या पैकी शिवसेनेला २० सिट सोडण्याचा भाजपाचा प्रस्ताव.
शिवसेने कडून यावर अधिक चर्चेची अपेक्षा. संध्याकाळी ४ पर्यंत शिवसेनेची वाट पाहणार
भाजपाच्या उमेदवारांना उद्या एबी फार्म देण्यात येणार
युती न झाल्यास भाजपाची स्वबळाची तयारी
माजी नगरसेवकांना सर्वांना मिळणार उमेदवारी
पुणे -
भाजप कार्यालयाबाहेर पोलीस बंदोबस्त वाढवला
अनेक निष्ठावंतांना उमेदवारी न मिळाल्याने निष्ठावंत नाराज
रिपब्लिकन पक्षाचे कार्यकर्ते बीजेपी कार्यालय बाहेर आक्रमक
पुणे -
जिजाई बंगल्यावर अजित पवारांच्या उपस्थितीत राष्ट्रवादी काँग्रेसची खलबत
पुणे आणि पिंपरी चिंचवड शहराचे मुख्य पदाधिकारी जिजाई निवासस्थानी
दोन्ही राष्ट्रवादी एकत्रित झाल्यावर जागा वाटपावर चर्चा सुरू
गेल्या पाच तासांपासून पिंपरी चिंचवड आणि पुण्याचे सर्व कार्यकर्ते बैठकीसाठी जिजाई या अजित पवारांच्या निवासस्थानी
रिपब्लिकन पार्टीमध्ये प्रचंड असंतोष
भाजपा शहर कार्यालयासमोर रिपब्लिकन कार्यकर्त्यांचे धरणे आंदोलन
परशुराम वाडेकर, बाळासाहेब जानराव, अशोक कांबळे, संजय सोनवणे, या पदाधिकाऱ्यांनी सोडलं कार्यकर्त्यांना वाऱ्यावर
सर्व कार्यकर्ते बीजेपी कारला बाहेर या आंदोलनात
पुणे -
राष्ट्रवादी काँग्रेस शरदचंद्र पवार पक्षाचे नेते अंकुश काकडे आणि विशाल तांबे अजित पवारांच्या भेटीसाठी दाखल
अजित पवारांच्या जिजाई या निवासस्थानी दोन्ही नेते पोहोचले
दोन्ही राष्ट्रवादी एकत्रित निवडणूक लढणार
याच पार्श्वभूमीवर जागा वाटपाबाबत अजित पवारांसोबत अंकुश काकडे आणि विशाल तांबे करणार चर्चा
पुणे-
पुण्यात ठाकरे गट आणि काँग्रेसची युती जाहीर
उमेदवारांची यादी फायनल झाली
ठाकरेंची सेना ४५ आणि काँग्रेसला ६० जागा
नाशिक -
- नुकतेच मनसेतून भाजपमध्ये प्रवेश केलेल्या दिनकर पाटील यांनी दाखल केला उमेदवारी अर्ज
- प्रभाग क्रमांक ९ मधून दिनकर पाटील आणि त्यांचे पुत्र अमोल पाटील यांनी भाजपकडून दखल केला उमेदवारी अर्ज
- एक दिवस अगोदर राज उद्धव ठाकरे युतीचा जल्लोष करणारे दिनकर पाटील दुसऱ्याच दिवशी मनसे सोडून भाजपमध्ये गेल्यानं राज्यभरात ठरले होते चर्चेचा विषय
- आज रॅलीच्या माध्यमातून शक्तिप्रदर्शन करत दिनकर पाटील यांनी दाखल केला उमेदवारी अर्ज
नागपूर -
- भाजपच्या उमेदवारांची यादी उद्याच जाहीर होणार असल्याची माहिती भाजप शहर अध्यक्ष दयाशंकर तिवारी यांनी दिली आहे.
नागपूर महापालिकेमध्ये 151 जागा असून युतीतील मित्र पक्ष असलेल्या शिवसेनेसाठी सुमारे 8 ते 10 जागा सोडल्यानंतर भाजप किमान 140 जागांवर निवडणूक लढवण्याची शक्यता आहे.
मुंबईत शरद पवारांना मोठा धक्का
राष्ट्रवादी काँग्रेसच्या नेत्या राखी जाधव यांचा भाजपमध्ये प्रवेश
पराग शहांच्या उपस्थितीत त्यांनी केला पक्षप्रवेश
भाजपच्या महाराष्ट्र प्रदेश उपाध्यक्ष लीगल सेल विभागाच्या नेहा सुरेश दुबे यांनी सोशल मीडियावर आपली नाराजी व्यक्त केली आहे.
उमेदवारांच्या उमेदवारीचा अर्ज भरण्याचा एकच दिवस राहिला असताना भाजपच्या कार्यकर्त्यांचा असंतोष बाहेर येऊ लागला आहे.
उत्तर भारतीय उमेदवारांना डावलून उमेदवारी दिली जात आहे. वसई विरार शहरात 80% टक्के मतदार हे उत्तर भारतीय आहेत.
यामुळे उत्तर भारतीयांना डावलून चालणार नाही असा थेट इशारा दुबे यांनी आमदार राजन नाईक यांना दिला आहे.
वसई विरार शहरात भाजपाने दुसऱ्या पक्षाच्या नेत्यांना फोडून पक्षप्रवेश करून त्यांना उमेदवारी दिली आहे.
पुण्यात उमेदवारीवरून भाजप कार्यकर्त्यांची नाराजी
आमदार हेमंत रासने यांच्या निष्ठावंत कार्यकर्त्याला डावलेले असल्याने
कार्यकर्त्यानी फेसबुक पोस्ट मधून केली नाराजी व्यक्त
हेमंत रासने यांचा आग्रह डावलून इतराना उमेदवारी दिल्याने कार्यकर्ते नाराज
भाजप आमदारांचे ऐकले जात नसल्याने आमदार आणि कार्यकर्त्याची नाराजी
भाजप कोअर कमिटीने हेमंत रासने समर्थक कार्यकर्त्याना डावलत असल्याचंही कार्यकर्त्याचाच भावना
पुण्यातील भाजप कार्यालयाबाहेर पोलिसांचा कडेकोट बंदोबस्त
निष्ठावंत कार्यकर्त्यांसह आरपीआय कार्यकर्ते भाजप कार्यालयाबाहेर करणार आंदोलन
आर पी आय कार्यकर्त्यांना विश्वासात न घेता जागा दिल्याने कार्यकर्ते नाराज
भाजप कार्यालयाबाहेर आरपीआय कार्यकर्ते जमायला सुरुवात झाली आहे
पुण्यात अजित पवार यांच्या जिजाई या निवासस्थानी अजित पवार यांची बैठक
अजित पवार यांच्या उपस्थितीत राष्ट्रवादी काँग्रेसची बैठक
बैठकीला पुणे शहरातील राष्ट्रवादी काँग्रेसचे सर्व स्थानिक नेते उपस्थित
आज राष्ट्रवादी काँग्रेसची पहिली यादी जाहीर होण्याची शक्यता
दोन्ही राष्ट्रवादी एकत्रित लढण्यावर शिक्कामोर्तब
ठाण्यात मनसेकडून उमेदवारांना एबी फॉर्म वाटले आहेत. एकूण २४ उमेदवारांना एबी फॉर्मचं वाटप करण्यात आलं आहे.
मनसेच्या उमेदवारांची यादी आजही नाही ?
मुंबई महापालिकेच्या निवडणुकीसाठी जागा वाटप पूर्ण झाले असले तरी यादी जाहीर नाही…
जो पर्यंत सर्व उमेदवार अर्ज दाखल नाही करत तो पर्यंत यादी मनसे कडून जाहीर केली जाणार नाही मनसेची रणनीती
उमेदवारी अर्ज दाखल करण्याच्या शेवटच्या वेळेपर्यंत गुप्तता पाळण्याच मनसे ची रणनिती
पुण्यात भाजपकडून पहिल्या उमेदवाराने भरला उमेदवारी अर्ज-
भाजप निवडणूक प्रमुख असलेल्या गणेश बिडकर यांनी भरला उमेदवारी अर्ज
यावेळी चंद्रकात पाटील, आमदार हेमंत रासने ही होते उपस्थित
प्रभाग क्रमांक २४ मधून बिडकर यांनी भरला उमेदवारी अर्ज
शिवसेना ठाकरे गटातून भाजपात प्रवेश केल्यानंतर भाजपाकडून तेजस्वी घोसाळकर यांना प्रथम उमेदवारी जाहीर करण्यात आली आज गावदेवी मंदिरात देवीचे आशीर्वाद घेऊन शेकडो भाजपा कार्यकर्त्यांच्या उपस्थितीत तेजस्वी घोसाळकर या आपला उमेदवारी अर्ज दाखल करण्यासाठी निघाल्या. पक्ष जरी वेगळा असला तरी विनोद घोसाळकर हे माझे वडीलच आहेत त्यांचा आशीर्वाद घेऊनच मी उमेदवारी अर्ज दाखल करण्यासाठी निघाले आहे नक्कीच या ठिकाणी केलेल्या कामांच्या जोरावर निवडून येईल असा विश्वास तेजस्वी घोसाळकर यांनी बोलताना व्यक्त केला
काल भारतीय जनता पक्ष व शिवसेना शिंदे गटाची युतीची चर्चा फीसकटली होती.
आज भाजप व शिवसेना शिंदे गट यांच्यात पुन्हा युतीबाबत चर्चा होणार.
शिवसेनेचे नेते व मंत्री संजय राठोड आज अमरावतीत होणार दाखल.
मंत्री संजय राठोड व भाजप नेते यांच्याकडून युतीची घोषणा होण्याची शक्यता.
भाजप नेते आमदार संजय कुटे हे भाजप शिवसेने व युवा स्वाभिमान च्या युतीसाठी करत आहे सातत्याने प्रयत्न.
भाजपकडून शिवसेना ठाकरे गटाला 18 ते 20 जागा तर युवा स्वाभिमान ला 9 ते 10 जागा देण्याची तयारी..
आज भाजप शिवसेना व युवा स्वाभिमान युतीबाबत होणार अंतिम फैसला...
काल संजय कुटे यांनी शिवसेना शिंदे गटाचे नेते अभिजीत अडसूळ व शिवसेना जिल्हा प्रमुखां सोबत केली तब्बल एक तास चर्चा
वसंतदादा शुगर इन्स्टिट्यूटच्या वार्षिक सर्वसाधारण सभेला अजित पवार गैरहजर
वसंतदादा शुगर इन्स्टिट्यूट च्या नियमक मंडळाची बैठक सुरू
शरद पवार,हर्षवर्धन पाटील,विजयसिंह मोहिते पाटील यांच्या उपस्थितीत बैठक सुरू
पुण्यात महापालिकेच्या निवडणुक पार्श्वभूमीवर राष्ट्रवादीची बैठक असल्यामुळे अजित पवार गैरहजर राहणार असल्याची माहिती
वार्षिक सर्वसाधारण सभेनिमित्त शरद पवारांना अजित पवार एकत्र येणार होते
अजित पवारांच्या अनुस्थितीत बैठकीला सुरुवात
नाताळची सुट्टी घालवण्यासाठी आणि नवीन वर्षाच्या स्वागतासाठी लाखोंच्या संख्यने पर्यटक कोकणात दाखल झालेत. राज्याच्या कानाकोपऱ्यातून तसेच देशभरातून पर्यटक कोकणात दाखल झालेले आहेत. त्यामुळे रत्नागिरी जिल्ह्यातील गणपतीपुळे, आरे-वारे गुहागर, दापोली, मुरुड, कर्दे, अशा सर्वच समुद्रकिनारी पर्यटक मोठ्या संख्येने आल्याने कोकणचा सागर किनारे गर्दीने फुलून गेलेत.
पुण्यात काँग्रेस, शिवसेना उद्धव बाळासाहेब ठाकरे पक्ष आणि मनसे एकत्रित लढणार
पुण्यात महाविकास आघाडीची पत्रकार परिषद
सचिन अहिर आणि सतेज पाटील घेणार एकत्रित पत्रकार परिषद
दुपारी एक वाजता दोन्ही नेत्यांची पत्रकार परिषद
महाविकास आघाडीची पुण्यातली पहिली यादी आज जाहीर होणार
तर पत्रकार परिषदेत जागावाटपाचा फॉर्म्युला देखील सांगण्यात येणार
- उमेदवारी जाहीर होण्यापूर्वीच काँग्रेसच्या इच्छुकांकडून प्रचारास सुरवात
- नागपुरातील प्रभाग 33 च्या काँग्रेसच्या इच्छुक उमेदवारांकडून एकत्रित प्रचार
- पत्रकं घरोघरी वाटून केला जातोय प्रचार
- पत्रकावर प्रभाग 33 च्या काँग्रेसच्या 24 इच्छुक महिला-पुरुष उमेदवारांचे फोटो
- मतदारांपर्यंत पोहचण्यासाठी काँग्रेसच्या इच्छुक उमेदवारांची शक्कल
- ''आम्ही काँग्रेस पक्षाचे सक्रिय व निष्ठावान कार्यकर्ते असून येत्या निवडणुकीत इच्छुक आहोत"
- पत्रकात काँग्रेसच्या आजी-माजी नगरसेवकांसह नव्या इच्छुक उमेद्वारांचेही फोटो
- उमेदवारी अर्ज दाखल करण्यासाठी उरले अवघे दोन दिवस
- इच्छुक कार्यकर्त्यांमध्ये वाढली धाकधूक
- बंडखोरी टाळण्यासाठी भाजप मोठ्या महानगरपालिकेत उमेदवारांची यादी जाहिर करण्याची शक्यता कमी
- निश्चित उमेदवारांना थेट एबी फॅार्म देण्याची शक्यता
- उद्या अर्ज भरण्याचा शेवटचा दिवस, अद्याप उमेदवारांची यादी जाहिर नाही
- बंडखोरी टाळण्यासाठी भाजपची रणनीती
- सर्वच इच्छुक उमेदवार सध्या वेटिंगवर
- भाजपा शिवसेना युतीची चर्चाही अधांतरी
राष्ट्रवादी काँग्रेस शरद पवार गटाला धक्का बसणार आहे. राखी जाधव या भाजपात प्रवेश करणार आहेत. त्या नाराज असल्याची चर्चा सुरु आहे.
मुंबई-गोवा महामार्गावर अपघाताचे प्रमाण मागील आठवड्यापासून वाढले आहे. राज्यातून तसेच राज्यातील पर्यटक सिंधुदुर्गसह गोव्यात येत असून महामार्गावरील अपूर्ण कामामुळे अपघात घडत आहेत. आज पहाटे ५ वाजण्याच्या सुमारास मुंबईहून गोव्याकडे जाणाऱ्या कारला कुडाळ वेताळ बांबर्डे पुलाजवळ अपुर्ण कामामुळे अपघात झाला. येथील वळणाचा अंदाज न असल्याने कार चालकाचा ताबा सुटून कार गटारात जाऊन आदळली. यामध्ये कारचे मोठे नुकसान झाले असून सुदैवाने प्रवाशांना दुखापत झाली नाही.
भाजप व शिवसेनेच्या युतीचे ५०/२५ चे ठरल्यानंतर राष्ट्रवादीच्या सूत्र जागांवरून महायुतीत वादावादी सुरू झाली आहे. राष्ट्रवादीला कोणाच्या कोट्यातून जागा द्यायच्या हा मुद्दा ऐरणीवर आला आहे. भाजप ५०पेक्षा एकही जागा कमी घ्यायला तयार नाही. त्यामुळे शिवसेनेच्या जागा घटणार हे निश्चित आहे. रविवारी दुपारी चर्चा फिस्कटल्यामुळे महायुतीत फाटाफूट होणार असे चित्र निर्माण झाले होते. मात्र पुन्हा एकदा महायुती एकसंघ ठेवण्यासाठी रविवारी तिन्ही पक्षांचे नेते एकत्र आले होते. रात्री उशिरापर्यंत महायुतीचा घोळात घोळ सुरू होता. मनपाच्या सार्वत्रिक निवडणुकीसाठी उमेदवारी अर्ज दाखल करायला केवळ दोन दिवस शिल्लक आहेत. सोमवारी व मंगळवारी इच्छुकांची प्रचंड गर्दी उसळणार आहे. त्यामुळे प्रशासन अलर्ट मोडवर आले आहे
दोन्ही पक्ष आपापल्या भूमिकेवर ठाम असल्याने ही निवडणूक स्वतंत्र लढण्याच्या तयारीत, सूत्रांची माहिती
कोल्हापूर महानगरपालिका निवडणुकीतील काही जागांवरून महायुतीत गोंधळ कायम
भाजप आणि शिवसेना नेत्यांमध्ये काही निवडक जागेचा वाद पोहोचला शिगेला
भाजप आणि शिवसेना आपापल्या मतांवर ठाम
वादग्रस्त जागांवर एकमत झालं नाही तर भाजप आणि शिवसेना स्वतंत्र लढण्याच्या तयारीत
काल झालेल्या दोन्ही बैठकांमध्ये तिढा न सुटल्याने राज्याचे मुख्यमंत्री आणि उपमुख्यमंत्री यांनीच या प्रकरणात लक्ष घालण्यासाठी सुरू आहेत प्रयत्न
भंडाऱ्यात नुकत्याच पार पडलेल्या नगरपालिका निवडणुकीत ईव्हीएम मशीनमध्ये शरद पवार पक्षाच्या राष्ट्रवादीच्या उमेदवाराचं नावं गायब झाल्याच्या विरोधात भाजप वगळता सर्वपक्षीय मोर्चा काढण्यात येत आहे. भंडाऱ्याच्या प्रभाग क्रमांक 3 मधील शरद पवारांच्या राष्ट्रवादीच्या करुणा राऊत यांचं नावं मतमोजणीच्या वेळेस ईव्हीएम मशीनमध्ये नसल्याचा प्रकार समोर आला. याप्रकरणी मतदान केंद्रावरील सात कर्मचाऱ्यांना निलंबित करण्यात आला असून निवडणूक निर्णय अधिकारी आणि सहाय्यक निवडणूक निर्णय अधिकाऱ्यांना याप्रकरणी भंडारा जिल्हाधिकारी सावन कुमार यांनी कारणे दाखवा नोटीस बजावली आहे. ईव्हीएम मशीनमध्ये घोळ करण्यात आल्याचा हा प्रकार भंडाऱ्यात घडला असल्यानं असाच प्रकार सर्व निवडणुकीतही झाला असावा, त्यामुळे ही संपूर्ण निवडणूक प्रक्रिया रद्द करावी आणि पुन्हा निवडणुका घ्याव्या या मागणीला घेऊन भाजप वगळता सर्वपक्षीय मोर्चा भंडाऱ्यात काढण्यात येत आहे. या मोर्चात काँग्रेस नेते नाना पटोले, सत्ताधारी शिंदे सेनेचे आमदार नरेंद्र भोंडेकर यांच्यासह निवडणुकीत पराभूत झालेले उमेदवार आणि नागरिक सहभागी होत आहेत.
केंद्रीय आरोग्य राज्यमंत्री प्रतापराव जाधव यांच्या कारला काल रात्री समृद्धी महामार्गावर वाशिम जिल्ह्यातील मालेगाव नजीक भीषण अपघात झाला. या कार मध्ये प्रवास करत असलेले मंत्री प्रतापराव जाधव यांचे अंगरक्षक, त्यांचे सहकारी व कारचालक असे तिघे गंभीर जखमी झाले. केंद्रीय मंत्री प्रतापराव जाधव यांना नागपूर विमानतळावर पोहोचविल्यानंतर हे तिघे मेहकर कडे परत येत असताना रात्री उशिरा हा अपघात झाला. गंभीर जखमींना वाशीम येथील एका खाजगी रुग्णालयात दाखल करण्यात आलं आहे व त्यांच्यावर उपचार सुरू आहे. रात्री उशिरा अपघात घडल्याने याबद्दलची माहिती मंत्री प्रतापराव जाधव यांना देण्यात आली.
- उमेदवारी अर्ज दाखल करण्यासाठी १ दिवस उरलेला असतांनाही नाशकात अद्याप युती, आघाडीचा तिढा कायम
- युती, आघाडीबाबत कोणत्याच पक्षाकडून अधिकृत घोषणा नाही
- तर आजच्या मुहूर्तावर उमेदवारी अर्ज दाखल करण्यासाठी इच्छुक उमेदवारांची लगबग
- भाजप, शिंदेंच्या शिवसेनेच्या युतीची अधिकृत घोषणा झाली नसली, तरी भाजप आणि शिंदेंच्या शिवसेनेकडून इच्छुक उमेदवार आज दाखल करणार उमेदवारी अर्ज
- मनसेतून नुकतेच भाजपमध्ये गेलेले दिनकर पाटील, हिमगौरी आडके, मुकेश शहाणे भाजपकडून उमेदवारी अर्ज दाखल करणार
- तर शिंदेंच्या शिवसेनेकडून महानगरप्रमुख विलास शिंदे आणि राहुल दिवे शक्तिप्रदर्शन करत उमेदवारी अर्ज दाखल करणार
- नाशिकमध्ये भाजप आणि शिवसेनेची युती जवळपास तुटल्याची सूत्रांची माहिती
- शिवसेना आणि अजित दादांच्या राष्ट्रवादीमध्ये मात्र अद्याप चर्चा सुरू, आज युतीची अधिकृत घोषणा होण्याची शक्यता
देवगड शहरातील तारामुंबरी मिठमुंबरी पुलाजवळ रात्रीच्या वेळी बिबट्या दिसून आला. या भागात बिबट्या फिरत असल्याची चर्चा अनेक दिवस सुरु होती. रविवारी रात्री मात्र बिबट्याचा वावर असल्याचा व्हिडिओ सध्या सोशल मीडियावर व्हायरल झाला आहे.या घटनेमुळे परिसरातील नागरिकांमध्ये भीतीचे वातावरण निर्माण झाल आहे. वनविभागाने याबाबत तातडीने दखल घ्यावी अशी मागणी सध्या होत आहे.
- आमदार राजेश बकाने यांच्या मागणीला यश बोगस बियाण्यांचा मुद्दा अधिवेशनात मांडला होता.
- बोगस उगवणक्षमते अभावी अपयशी बियाण्यांवर लगाम लागणार, शेतकऱ्यांच्या नुकसानीवर उपाययोजना.
- दोषी कंपन्या व विक्रेत्यांवर कारवाईचा अभ्यास – इतर राज्यांतील कडक पद्धतींचा आढावा.
- एका महिन्यात नवीन तपासणी प्रणाली तयार होणार शेतकऱ्यांना न्याय देण्याचा शासनाचा प्रयत्न.
- उच्चस्तरीय समिती गठीत कृषीमंत्री, राज्यमंत्री व विविध आमदारांचा समावेश.
यवतमाळ जिल्ह्याच्या मुख्यालयी असलेल्या यवतमाळ पालिकेवर सत्ता स्थापनेसाठी काँग्रेसचे अजूनही प्रयत्न सुरूच असून भाजप विरोधात मोट बांधण्याचा काँग्रेसचा प्रयत्न सुरू आहे. शिंदेसेना, प्रहार,एमआयएम,बसपा तसेच अपक्षांची संपर्क साधल्याची चर्चा आहे तर दुसरीकडे भाजपने अपक्ष व प्रहार सोबत बोलणी केल्याची चर्चा राजकीय वर्तुळात सुरू आहे.
कोल्हापूर महापालिका निवडणुकीसाठी काँग्रेस पक्षाने १४ उमेदवारांची दुसरी यादी आज रात्री उशिरा जाहीर केली. यामध्ये माजी महापौर स्वाती येवलुजे यांना पुन्हा संधी देण्यात आली आहे. त्याचबरोबर माजी नगरसेवक सुभाष बुचडे, माजी नगरसेविका पद्मावती पाटील यांनादेखील काँग्रेसने पुन्हा मैदानात उतरवले आहे. माजी नगरसेवक अजित पोवार (धामोडकर) यांच्या पत्नी रूपाली आणि माजी नगरसेवक हरिष चौगले यांचे पुत्र सचिन, माजी नगरसेवक शिवाजीराव कवाळे यांचा मुलगा रोहित यांचाही यादीमध्ये समावेश आहे. यापूर्वी पक्षाने ४८ उमेदवारांची पहिली यादी जाहीर केली असून, काँग्रेसने ६१ उमेदवार 'हात' या चिन्हावर उभे केले आहेत, तर राजू दिंडोर्ले यांना पुरस्कृत केले आहे. असे ६२ उमेदवार रिंगणात उतरवले आहेत. खासदार शाहू महाराज, विधान परिषदेचे गट नेते सतेज पाटील, आमदार जयंत आसंगावकर, माजी आमदार मालोजीराजे छत्रपती यांच्या मार्गदर्शनाखाली ही यादी बनवली आहे.
* नागपुरात महाविकास आघाडीच ठरलं...
- आज घोषणा होण्याची शक्यता, मात्र नाव शेवटच्या दिवशीच जाहीर करणार
* नागपूर पालिकेच्या 151 जागांपैकी काँग्रेस 129 राष्ट्रवादी (शरद पवार पक्ष) 12 तर उद्धवसेनेला 10 जागा सोडण्याचा निर्णय
* तर काँग्रेसच्या तीन जागांवर राष्ट्रवादीचे उमेदवार लढणार असल्याची माहिती..
- आज याबाबत अधिकृत घोषणा केली जाण्याची शक्यता..
* काँग्रेस शहर अध्यक्ष आमदार विकास ठाकरे यांच्या रात्री महाविकास आघाडीच्या नेत्यांची झाली बैठक
* या बैठकीला राष्ट्रवादी (शरद पवार पक्ष) शहर अध्यक्ष दुनेश्वर पेठे, माजी आमदार प्रकाश गजभिये, शेखर सावरबांधे, उद्धवसेनेचे लोकसभा प्रमुख सतीश हरडे, जिल्हाप्रमुख प्रमोद मानमोडे, किशोर कुमेरिया, काँग्रेसचे आमदार अभिजित वंजारी, गिरीश पांडव, बंटी शेळके, सह ईतर नेत्यांची होती उपस्थिती...
पुणे पाठोपाठ सांगलीतही महापालिका निवडणुकीच्या निमित्ताने दोन्ही राष्ट्रवादी आणि काँग्रेस एकत्र येण्याच्या हालचाली सुरू झाले आहेत.तिन्ही पक्षाच्या नेत्यांच्या त्या दृष्टीने प्राथमिक बैठका देखील पार पडल्या आहेत.गेल्या दोन दिवसांपासून रात्री उशिरापर्यंत वेगवेगळ्या आघाड्यांबाबत भाजप वगळता सर्व पक्षांच्या बैठका सांगली, मिरजेत पार पडत आहेत.तर काँग्रेस व राष्ट्रवादी शरद पवार गट,शिवसेना शिंदे गट यांची मोट बांधून ही निवडणूक सामोरे जाणार असल्याचे संकेत राष्ट्रवादी अजित पवार गटाचे शहर जिल्हाध्यक्ष पद्माकर जगदाळे यांनी दिले आहेत.सांगली महापालिका निवडणुकीमध्ये भाजपा स्वबळावर लढणार असल्याचे स्पष्ट झालंय. त्यामुळे सांगली महापालिका निवडणुकीत भाजपा विरोधात दोन्ही राष्ट्रवादी,काँग्रेस आणि शिवसेना शिंदे गट एकत्रित येण्याच्या शक्यता नाकारता येत नसल्याचे चित्र निर्माण झाले आहे.
काँग्रेस,शिवसेना उबाठा आणि मनसे एकत्रित लढणार
आज पत्रकार परिषद घेऊन काँग्रेस नेते सतेज पाटील घोषणा करतील
जागावाटप अधिकृत घोषणा होणार
पुणे महानगरपालिकेत काँग्रेस 80 जागा लढवणार तर शिवसेना उबाठा आणि मनसे 65 जागा लढवणार आहेत व 15 ते 20 जागा मित्रपक्षासाठी सोडल्या जाणार
त्यामुळे आज यावर काँग्रेस शिवसेना उबाठा मनसेकडून अधिकृत घोषणा होईल...
पुणे महापालिकेत तिरंगी लढत होणार
भाजप आणि शिवसेना शिंदे गट, दोन्ही राष्ट्रवादी काँग्रेस, काँग्रेस शिवसेना उबाठा आणि मनसे यांच्या सर्व मित्रपक्ष असे समीकरण असणार
आज अधिकृत सर्व पक्षांकडून घोषणा होण्याची शक्यता
शिवसेना आणि भाजपचा जागा वाटप तिढा अजून सुटला नाही मात्र आज अंतिम निर्णय होण्याची शक्यता
त्यामुळे पुण्यातील युती आणि आघाडी बाबत आज अंतिम निर्णय होईल
वसंतदादा शुगर इन्स्टिट्यूटच्या वार्षिक सर्व साधारण सभेला दोन्ही नेते एकत्रित येणार
आज सकाळी ११ वाजता व्हि एस आय हडपसर मांजरी येथे कार्यक्रम
पुण्यातील वसंतदादा शुगर इन्स्टिट्यूटची वार्षिक सर्वसाधारण सभा
साखर उद्योगातील सर्वोत्कृष्ट कार्यक्षमतेसाठी दिल्या जाणाऱ्या पुरस्कार कार्यक्रमासाठी दोन्ही पवार एकत्रीत येणार
येणाऱ्या महानगपालिका निवडणुकीसाठी दोन्ही पक्ष एकत्रित येणार असल्याची चर्चा सुरू असतानाच पवार काका पुतणे पुन्हा एकत्र येणार आहेत..
सोलापूर -
सोलापूर महाविकास आघाडीतील शिवसेना उबाठाने पहिली यादी केली जाहीर
शिवसेना उबाठाने 11 उमेदवारांची पहिली यादी केली जाहीर
महाविकास आघाडीमध्ये शिवसेना उबाठा लढावणार आहे 30 जागा
महाविकास आघाडीतील राष्ट्रवादी शरद पवार गटा पाठोपाठ शिवसेना उबाठाने ही केली उमेदवारांची यादी जाहीर
शिवसेना उबाठा जिल्हा प्रमुख अजय दासरी यांनी केली उमेदवार यादी जाहीर
पुणे -
पुण्याच्या राजकीय वर्तुळात वेगवान हालचाली
पुण्यात सचिन अहिर आणि सतेज पाटील यांच्यात बैठक
जागा वाटपाबाबत दोन्ही नेत्यांमध्ये बैठक
पुण्यातील मनसेनेने सुद्धा घेणार सतेज पाटील आणि सचिन अहिर यांची भेट
पुणे महानगरपालिका निवडणुकीचे पार्श्वभूमीवर शिवसेना ठाकरे गट आणि काँग्रेसच्या बैठका
काँग्रेस, उद्धव ठाकरेंची शिवसेना आणि मनसे यांच्यात जागा वाटपासंदर्भात अंतिम चर्चा
सोमवारी तिन्ही पक्षांची होणार संयुक्त पत्रकार परिषद
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.