VIDEO : मला मराठी येत नाही, हिंदी भारताची भाषा नाही का? परप्रांतीयाची पुन्हा हुज्जत, व्हिडीओ व्हायरल

Maharashtra Marathi Bhasha News : कल्याणमध्ये परप्रांतीय सरकारी कर्मचाऱ्यानं मराठी कटुंबाला केलेल्या मारहाण प्रकरणामुळे महाराष्ट्रात संतापाची लाट आहे. हे प्रकरण ताजे असतानाच पेणमधील एक व्हिडीओ समोर आलेय. परप्रांतीय भाजी विक्रेती महिलेनं थेट मराठी माणसालाच भाषेवर सवाल उपस्थित केलाय. तुम्‍ही काशी, बनारसला जाता मग आम्‍ही हिंदी बोललं तर काय बिघडतं, असा सवाल हिंदी भाषक महिलेनं मराठी भाषकांना विचारलाय. परप्रांतीय भाजी विक्रेती महिलेचा व्हिडिओ पेणमध्ये व्हायरल होत आहे. मराठी बोलण्‍यावरून वादाचा हा व्हिडीओमुळे पुन्हा एकदा मराठी अस्मितेचा मुद्दा चर्चेत आलाय.

मुंबई आणि कल्‍याणमधील मराठी भाषक आणि हिंदी भाष‍क यांच्‍यातील वाद राज्यात चर्चेत आहे. त्यातच पेण शहरातील एक व्हिडिओ समोर आलाय. सोशल मिडियावर हा व्हिडिओ सध्‍या चांगलाच व्‍हायरल झालाय. यात मराठी बोलण्‍यावरून परप्रांतीय भाजी विक्रेती महिला मराठी भाषक ग्राहकांशी हुज्‍जत घालत आहे. हा व्हिडीओ सोशल मीडियावर व्हायरल होत आहे. त्यामुळे पुन्हा एकदा मराठी-हिंदी वाद चव्हाट्यावर आलाय.

त्‍या महिलेच्‍या फोनवर सुरू असलेल्‍या संभाषणावरून ग्राहक तिला मराठीत बोलायला सांगत आहेत. मात्र आपल्‍याला मराठी येत नाही तुम्‍ही हिंदी बोला असं ती ग्राहकांना सांगते. यासंर्भात तिने पेण पोलीस ठाण्‍यात फोन करून याबाबत तक्रार करत आहे. काशी, बनारसला अंघोळ करायला जाता ना मग आम्‍ही हिंदी बोललं तर काय बिघडते. हिंदी भारताची भाषा नाही का? असा सवाल या हिंदी भाषक महिलेने उपस्थित केल्‍याचे या व्हिडिओतून दिसत आहे.