

५८ लाख कुणबी नोंदींच्या आकड्यावरून मराठा संघटनांनी सरकारला सवाल केला.
या नोंदी महाराष्ट्रातील आहेत की मराठवाड्यातील, याबाबत स्पष्टीकरण मागितले.
नोंदी अलीकडच्या आहेत की १९६७ सालच्या, हे जाहीर करण्याची मागणी.
राज्य सरकार आणि मराठा समाज असा संघर्ष पेटण्याची शक्यता आहे. मराठा समाजाला देण्यात आलेल्या कुणबी नोंदीवरून मराठा समाज संघटनेनं सरकारला जाब विचारलाय. मराठा समाज मंथन बैठकीनंतर आयोजित पत्रकार परिषदेत मराठा संघटनांच्या प्रतिनिधींनी सरकारला ५८ लाख कुणबी नोंदींबाबत थेट सवाल केला.
या नोंदी नेमक्या महाराष्ट्रातील आहेत की केवळ मराठवाड्यातील? तसेच या नोंदी अलीकडच्या आहेत की १९६७ सालच्या? याबाबत सरकारने स्पष्ट माहिती जाहीर करावी, अशी मागणी रमेश केरे पाटील यांनी केली. नोंदी बाबत जाब विचारण्यासाठी मराठा समाजाकडून राज्यभरात जनजागृती यात्रा काढली जाणार आहे.
रमेश केरे पाटील यांनी मंत्री विखे पाटील यांच्यावर मराठा समाजाची दिशाभूल केल्याचा आरोप केला. मराठा समाजाची लवकरात लवकर बैठक बोलावून या प्रश्नांवर स्पष्टीकरण द्यावे, अशी मागणीही त्यांनी केली. ५८ लाख नोंदींच्या आकड्याबाबत संभ्रम असल्याचे सांगत या नोंदींचा नेमका कालावधी आणि भौगोलिक व्याप्ती स्पष्ट करण्याची मागणी केरे पाटील यांनी केली. ज्या ५८ लाख नोंदी आहेत त्या मराठवाड्याच्या आहेत की महाराष्ट्राच्या आहेत त्या जाहीर कराव्यात. अशी मागणी रमेश केरे पाटील यांनी केलीय.
दरम्यान नानासाहेब जावळे पाटील यांनीही सरकारवर जोरदार टीका केली. मराठा समाजाला वेळोवेळी आश्वासने देऊन फसवले जात असल्याचा आणि समाजाचा केवळ मतांसाठी वापर होत असल्याचा आरोप त्यांनी केला. वेगवेगळे आयोग स्थापन करून समाजाची दिशाभूल केली जात असल्याचेही ते म्हणाले. डिसेंबरपासून आई तुळजाभवानीचे दर्शन घेऊन आम्ही महाराष्ट्रात जनजागृती यात्रा काढणार आहोत. या यात्रेद्वारे हे सरकार समाजाला कस फसवत हे आम्ही समाजासमोर मांडणार आहोत. पहिला टप्पा हा मराठवाड्यात सुरु करणार आहोत.-
मराठा चळवळीत काम करणाऱ्या लोकांना बदनाम करण्याचं काम सरकारकडून केलं जात आहे. सरकार तोडा फोडा आणि राज्य करा आणि इतर समाजा संदर्भात भांडण लावून मराठा समाजात भांडण लावणे हे सरकारचे नाटके चालू आहेत हे माकड चाळे बंद करावेत. जरांगे पाटलांची भूमिका असेल किंवा आमची भूमिका असेल सगळेजण समाजासाठी काम करत असल्याचं जावळे पाटील म्हणालेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.