Maratha Protest : आरक्षणावर तोडगा निघणार? वर्षा बंगल्यावर फडणवीस, पवार अन् शिंदेंमध्ये आज खलबतं

CM Devendra Fadnavis Maratha Protest : मराठा आरक्षणाच्या मागणीसाठी सुरू असलेल्या आंदोलनाच्या पार्श्वभूमीवर वर्षा बंगल्यावर आज महत्त्वाची खलबतं सुरू आहेत. मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार यांच्या उपस्थितीत तोडगा काढण्यासाठी चर्चा होणार आहे. (Will government announce Maratha reservation today?)

मनोज जरांगे पाटील यांच्या उपोषणाचा आज चौथा दिवस आहे. आजपासून आपण पाणीही पिणार नसल्याचे जरांगे पाटील यांनी सांगितले. चार दिवसांपासून मराठ्यांचे वादळ मुंबईत धडकलेले आहे. मनोज जरांगे पाटील यांची प्रकृती खालावत चालली आहे. सरकारकडूनही यावर तोडगा काढण्यासाठी पावले उचलण्यात येत आहे. आज वर्षा बंगल्यावर मुख्यमंत्री आणि दोन्ही उपमुख्यमंत्र्‍यांमध्ये चर्चा होणार आहे. रविवारी रात्रीच यावर चर्चा होणार होती, पण काही कारणास्तव रद्द करण्यात आली. आज बैठक होण्याची शक्यता आहे. मराठा आरक्षणावर आज तोडगा निघणार का? अशी चर्चा सुरू झाली आहे.

मराठा समाजाला आरक्षण मिळावं याच मागणीसाठी मनोज जरांगे पाटील आझाद मैदानावर आमरण उपोषण करत आहेत आजचा चौथा दिवस त्यांच्या अमरण उपोषणाचा असल्याने मराठा बांधव मैदानामध्ये यायला सुरुवात झाली आहे. तसेच मनोज जरांगे पाटील यांना भेटण्यासाठी उपसमितीचे अध्यक्ष राधाकृष्ण विखे पाटील हे सुद्धा मनोज जरांगे पाटील यांची भेट घेण्याची शक्यता व्यक्त केली जात आहे त्यामुळे आजचा दिवस राजकीय घडामोडींना खूप महत्त्वाचा असणार आहे.

रविवारी रात्री वर्षा निवास्थानावर मुख्यमंत्री देवेंद्र फडणवीस, अजित पवार आणि एकनाथ शिंदे यांची बैठक होणार होती. परंतु काही कारणास्तव ही बैठक रद्द झाली. या बैठकीसाठी उपमुख्यमंत्री एकनाथ शिंदे दरे गावातून तातडीने मुंबईकडे निघाले होते . मात्र ती बैठक आज होण्याची शक्यता आहे. आज तिन्ही नेते बैठक घेऊन मराठा आरक्षण आंदोलनाबाबत महत्त्वाचा निर्णय घेणार असल्याचे सूत्रांची माहिती समोर येत आहे. मनोज जरांगे पाटलांच्या आंदोलनाला यश मिळण्याची शक्यता आहे.