Manoj Jarange Patil: मराठा आंदोलनामुळेच राज्यातील सर्व मुलींना मोफत शिक्षण मिळालंय; मनोज जरांगे काय म्हणाले, पाहा VIDEO

माधव सावरगावे, साम टीव्ही नांदेड

मराठा आंदोलक मनोज जरांगे पाटील यांनी राज्यातील सर्व जातीच्या मुलींना मोफत शिक्षण जाहीर केल्याबद्दल सर्व जातीधर्माच्या वतीने सरकारचे आभार मानले आहेत. मराठा आंदोलनामुळेच सगळ्या जातीच्या मुलींना मोफत शिक्षण मिळालं, असं वक्तव्य मनोज जरांगे यांनी केलंय. आंदोलन कुणाचंही असो पण सर्वच जातीतील लेकींना फायदा झाल्याचं त्यांनी म्हटलंय. तसेच ज्या मुलींनी या निर्णयाच्या अगोदर अर्ज भरले आहेत, त्यांची फी परत करण्याची मागणी देखील मनोज जरांगे यांनी केली आहे.

जरांगे पाटील काय म्हणाले?

राज्यातील मराठा आता मुलांना न्याय देण्यासाठी रस्त्यावर (Manoj Jarange Patil) उतरलाय. आम्ही आमच्या मुलांच्या न्यायासाठी का रस्त्यावर येऊ नये? असा सवाल देखील यावेळी बोलताना जरांगे पाटील यांनी विचारला आहे. मराठ्यांचे काही लोक यांच्या बाजूने बोलतात, त्यामुळे समाजात नाराजी आहे. काही मंत्री म्हणतात की, आरक्षण टिकणार नाही. आरक्षण हेच देणार आणि हेच उडवणार अशी टीका देखील यावेळी जरांगेंनी केलीय.

शांतता रॅलीचा आज चौथा दिवस

मुख्यमंत्री, उपमुख्यमंत्री (Devendra Fadanvis) यांनी तातडीने मागण्यांवर अंमलबजावणी करावी, अशी मागणी जरांगे पाटलांनी केली. मुसळधार पाऊस असला तरी मराठा बांधव रॅलीत सहभागी होणार कारण आरक्षण ही वेदना असल्याचं जरांगे पाटलांनी (Maratha Reservation) म्हटलं आहे. मराठ्यांना त्रास देणाऱ्यांना निवडून येऊ देणार नसल्याचा इशारा देखील मनोज जरांगे पाटलांनी दिला आहे. जरांगे पाटलांची शांतता रॅलीचा आज चौथा दिवस आहे. या रॅलीत विविध जिल्ह्यातील मराठा बांधव मोठ्या संख्येने सहभागी होत असल्याचं दिसत आहे.

लातूरमध्ये रॅलीची जय्यत तयारी

मराठा आरक्षणाच्या लढ्याला अधिक बळ मिळावं, याकरिता मनोज जरांगे पाटलांनी ६ जूलैपासून मराठवाड्यात महाशांतता रॅली काढलीय. ही रॅली आज लातूरमध्ये आहे. आज दुपारी बारा वाजता छत्रपती शाहू महाराज चौकातून छत्रपती शिवाजी महाराज चौकापर्यंत रॅली (Maratha Reservation Rally) निघणार आहे. दरम्यान लातूर जिल्ह्यातील जवळपास पाच लाखापेक्षा अधिक मराठा बांधव या रॅलीत सहभागी होतील, अशी शक्यता आहे. लातूरमध्ये रॅलीची जय्यत तयारी करण्यात आली आहे.