Manoj Jarange Speech: 24 डिसेंबरपर्यंत आरक्षण नाही दिलं तर...; मराठा आरक्षणावरून मनोज जरांगेंचा राज्य सरकारला इशारा

Manoj Jarange Patil Latest speech:

मराठा आरक्षणावरून राज्याचं राजकारण तापलं आहे. मराठा आरक्षणाच्या मागणीचे पडसाद विधानसभेच्या हिवाळी अधिवेशनातही उमटले. याच मराठा आरक्षणासाठी मराठा आंदोलक मनोज जरांगे यांनी सरकारला २४ डिसेंबरपर्यंत वेळ दिली आहे. सरकारकडून मराठा आरक्षणासाठी हालचाली सुरू आहेत. याचदरम्यान, 24 डिसेंबरपर्यंत आरक्षण नाही दिलं, तर या माऊली फाट्याच्या परिसरात 20 किलोमीटरपर्यंत उभा राहायला जागा उरणार नाही याची तयारी ठेवा, असा इशारा मराठा आंदोलक मनोज जरांगे यांनी राज्य सरकारला दिला आहे. (Latest Marathi News)

मनोज जरांगे यांनी बीडमधील सभेत उपस्थितांना संबोधित केले. यावेळी मनोज जरांगे म्हणाले, 'आज आपल्या लेकराला आरक्षणाची गरज आहे. आपल्या लेकरांच्या मदतीला कोणी यायला तयार नाही'.

'मी गेल्या ४ ते ५ महिन्यांपासून घराचा उंबरठा चढलो नाही. त्यांना मराठा समाजात फूट पाडायची आहे. मुख्यमंत्री आणि दोन्ही उपमुख्यमंत्र्यांनी 24 डिसेंबरपर्यंत आरक्षण देतो म्हणाले आहेत. त्यामुळे आरक्षण द्या, अन्यथा तुमची फजिती झाल्याशिवाय राहणार नाही, असं जरांगे पाटील म्हणाले.

'मी तुमच्यात सलाईन घेऊन आलो आहे. आताही मी सलाईन लावून आलो आहे. माझी एकच विनंती आहे, काहीही झालं तरी आपल्यात फूट पडू देऊ नका. आरक्षण घेतल्याशिवाय सरकारला सुट्टी नाही. मला तुमच्या पाठबळाची गरज आहे. मी तुमच्या बळावर तिथं बसतोय. माझी एकच अपेक्षा आहे, तुम्ही खंबीरपणे साथ द्या, असंही ते म्हणाले.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)