Manoj Jarange Patil: 'आरक्षण नाही तर सत्ता येऊ देणार नाही', मनोज जरांगे कडाडले; सत्ताधारी- विरोधकांवर गंभीर आरोप

रामनाथ ढाकणे| छत्रपती संभाजीनगर, ता. २७ जुलै २०२४

मराठा आरक्षणावरुन विरोधक आणि सत्ताधारी हे उल्लू बनवत आहेत, असा घणाघात करत आरक्षण मिळवून दिले तर आम्ही सत्ता येऊ देणार नाही, असा थेट इशारा मराठा आरक्षणाचे नेते मनोज जरांगे पाटील यांनी दिला आहे. छत्रपती संभाजीनगरमध्ये ते माध्यमांशी बोलत होते.

काय म्हणाले मनोज जरांगे पाटील?

"सत्ताधारी आणि विरोधकांनी मिळून आरक्षण द्यायला हवे. आरक्षण द्यायला काहीच लागत नाही. मनात असेल तर काही करता येते मनात असेल तर देता येते. ७० वर्षापासून सगळे वेड्यात काढत आहेत. लोकांच्या मनात अती खदखद आहे. लोकांना समजते की आपल्याला कोण उल्लू बनवते. विरोधक आणि सत्ताधारी हे उल्लू बनवतात," अशी थेट टीका जरांगे पाटील यांनी केली.

शरद पवारांना उत्तर

यावेळी बोलताना त्यांनी शरद पवार यांच्या आक्षेपावरुन महत्वाचे विधान केले. "राजकीय नेत्यांना आणि समाजाला आमच्यात आणि सरकारमधील चर्चेची माहिती हवी असेल तर सर्व लाईव्ह आहे. सत्ताधारी आणि विरोधक गैरसमज पसरवणार आहेत. माझ्या समजाने का नेत्यांच्या हमाल्या करायच्या का? विरोधी पक्ष आणि सत्ताधारी यांचे हे समाजासाठी नाटक आहे," असेही जरांगे पाटील म्हणाले.

दरम्यान, "न्याय मिळून द्यायचा असेल तर एकत्रित यावे. आमचा जीव आरक्षणात आहे मात्र सरकारचा जीव खुर्चीत आहे, असं म्हणत आरक्षण मिळून दिले नाही तर आम्ही सत्ता येऊ देणार नाही. तुम्ही देणार नसाल तर आम्हाला पाडापाडी करावी लागेल," असा थेट इशाराही जरांंगेंनी सरकार तसेच विरोधकांना दिला.