Manmad-Pune railway : कोल्ड ड्रिंक्स घेऊन जाणारा ट्रक रेल्वे ट्रॅकवर कोसळला; मध्य रेल्वेची वाहतूक विस्कळीत

अजय सोनवणे, साम टीव्ही

नाशिक : मध्य रेल्वेच्या मनमाड-पुणे रेल्वे ट्रॅकवर मोठी दुर्घटना घडली आहे. मध्य रेल्वेच्या मनमाड-पुणे रेल्वे ट्रॅकवर पुलावरून ट्रक खाली कोसळल्याची घटना घडली आहे. अंकाई रेल्वे पुलावरून कोल्ड ड्रिंक्सचा ट्रक कोसळल्याची घटना घडली आहे. या दुर्घटनेनंतर रेल्वे वाहतूक खोळंबली आहे.

मिळालेल्या माहितीनुसार, मध्य रेल्वेवरील मनमाड-पुणे रेल्वे ट्रॅकवर कोल्ड ड्रिंक्सचा ट्रक कोसळल्याची घटना घडली. अंकाई पुलावरून कोल्ड ड्रिंक्सचा ट्रक रेल्वेच्या ट्रॅकवर कोसळल्याची घटना घडली आहे. या अपघातानंतर मनमाड-पुण्याची रेल्वे वाहतूक खोळंबली आहे. या अपघाताची माहिती मिळताच पोलीस आणि रेल्वे अधिकारी घटनास्थळी पोहोचले आहेत.म

मनमाडकडून पुण्याकडे जाणाऱ्या रेल्वे ट्रॅकवर हा कोल्ड ड्रिंक्स घेऊन जाणारा ट्रक कोसळला. या अपघातानंतर रेल्वेची वाहतूक सुरळीत करण्यासाठी क्रेन आणली आहे. रेल्वे ट्रॅकवर झालेल्या अपघातानंतर ट्रकमधील साहित्य काढण्याचे काम सुरू आहे. रेल्वे ट्रॅकवर कोसळलेला हा ट्रक बाहेर काढण्यास दोन ते तीन तास लागण्याची शक्यता वर्तवण्यात येत आहे. रेल्वे ट्रॅकवरून या ट्रकमधील साहित्य बाजूला करण्याचे काम युद्धपातळीवर सुरु आहे.

रेल्वे ट्रॅकवर झालेल्या या अपघातामुळे अंकाई रेल्वे पुलावर वाहतूक कोंडी झाली आहे. अंकाई पुलाखाली झालेल्या अपघातात मात्र कोणीही जखमी झालेलं नाही. अपघात होताच ट्रक चालकाने झाडांचा आधार घेत जीव वाचवला. अपघाताची माहिती मिळताच रेल्वे प्रशासनाचे अधिकारी आणि मनमाड पोलीस घटनास्थळी पोहोचले. या अपघातामुळे रेल्वेची पुण्याकडे जाणारी वाहतूक मात्र विस्कळीत झाली आहे.

दरम्यान, या अपघातानंतरही पुणे-मनमाड रेल्वे ट्रॅक सुरक्षित आहे. प्रवासी गाडी मनमाडकडे गेली आहे. तर पुणे-मनमाड रेल्वेची अप लाईन विस्कळीत झाली आहे.