Nashik Politics : नाशिकच्या जागेवरुन महाविकास आघाडीत बिघाडीची शक्यता, तर महायुतीतही संघर्ष

Nashik News :

नाशिकच्या जागेवरुन महाविकास आघाडी आणि महायुती दोन्ही बाजूने संघर्ष कायम आहे. नाशिकच्या जागेवरुन महाविकास आघाडीत बिघाडी होण्याची शक्यता आहे. तर महायुतीतही बिनसण्याची शक्यता आहे. दिंडोरी लोकसभा मतदारसंघाच्या जागेवर माकपने दावा केला आहे. तर महायुतीत भाजप आणि शिवसेनेत रस्सीखेच होताना दिसत आहे. (Latest Marathi News)

राष्ट्रवादी शरद पवार गटाने दिंडोरीची जागा माकपसाठी सोडावी असा आग्रह माकपचे नेते जे. पी. गावीत यांनी केला आहे. शरद पवार गटाकडे सक्षम उमेदवार नसल्याचा दावा माकपने केला आहे.

माकपने दिंडोरी लोकसभेची जागा लढवण्याच्या तयारी देखील केली आहे. त्यामुळे शरद पवार गटाने जागा न सोडल्यास माकप स्वतंत्रपणे निवडणुकीच्या रिंगणात उतरणार आहे. माजी आमदार जे पी गावित दिंडोरी मतदारसंघातून लोकसभेसाठी इच्छुक आहे. दिंडोरीची जागा लढवण्यावर माकप ठाम असल्याने मतांचा विभाजन होण्याची शक्यता निर्माण होऊ शकते. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भाजपचे स्थानिक नेते नाखुश

नाशिकची जागा शिंदे गटाकडून भाजपकडे घेण्यासाठी स्थानिक भाजप नेत्यांचे जोरदार प्रयत्न सुर आहेत. नाशिकच्या जागेवर महायुतीकडून अद्याप अधिकृत उमेदवाराची घोषणा न झाल्याने महायुतीत दावे-प्रतिदावे केले जात आहे. नाशिकमध्ये भाजपचे ३ आमदार, सर्वाधिक नगरसेवक आणि पक्षाची ताकद जास्त असल्यानं स्थानिक भाजप नेते शिंदे गटाला जागा सोडण्यावरुन नाखूश आहेत.

हेमंत गोडसेंविषयी मतदारसंघात नाराजी

शिंदे गटाचे संभाव्य उमेदवार हेमंत गोडसे यांच्याविषयी मतदारसंघात नाराजी आहे, असा दावाही स्थानिक भाजप नेत्यांनी केला आहे. शिंदे गटाला जागा दिल्यास नाशिकची जागा धोक्यात येईल. नाशिकची जागा जिंकायची असल्यास भाजपचाच उमेदवार द्यावा. अशी मागणी स्थानिक भाजप नेत्यांची वरिष्ठ नेत्यांकडे केली आहे.