Maharashtra Monsoon Update: अरबी समुद्रातील चक्रीवादळाचा मान्सूनला फटका; पावसाचे आगमन पुन्हा लांबणीवर!

Maharashtra Monsoon Update: मान्सूनची आतुरतेने वाट पाहत असलेल्या शेतकऱ्यांची चिंता वाढवणारी बातमी समोर आली आहे. यंदाचा मान्सून लांबवणीवर पडण्याची शक्यता आहे.
Maharashtra Monssoon Update
Maharashtra Monssoon UpdateSaam TV

Maharashtra Monsoon Update: मान्सूनची आतुरतेने वाट पाहत असलेल्या शेतकऱ्यांची चिंता वाढवणारी बातमी समोर आली आहे. यंदाचा मान्सून लांबवणीवर पडण्याची शक्यता आहे. कारण, गेल्या २४ तासांत अरबी समुद्राच्या दक्षिण किनार्‍यावर चक्रीवादळ निर्माण झाले आहे.

त्यामुळे अद्याप मान्सून केरळातच दाखल झालेला नाही. मे महिन्याच्या शेवटच्या आठवड्यात मान्सून ४ जूनपर्यंत केरळमध्ये पोहोचेल, असा अंदाज हवामान खात्याने वर्तवला होता. (Latest Marathi News)

Maharashtra Monssoon Update
Nashik Accident News: भरधाव टिप्परने कारला उडवलं, देवदर्शनाहून परतणाऱ्या दोघांचा जागीच मृत्यू, ५ जण जखमी

मात्र, अचानक तयार झालेल्या चक्रीवादळामुळे केरळमध्ये अद्यापही मान्सूनसाठी अनुकूल वातावरण नसून, आगमनासाठी आणखी चार ते पाच दिवस लागतील, असा अंदाज हवामान खात्याने (Rain Update) आता व्यक्त केला आहे. दुसरीकडे वळीवाच्या पावसाने मात्र राज्यातील बहुतेक भागात हजेरी लावली आहे.

साधारणपणे दरवर्षी जून महिन्याच्या पहिल्या आठवड्यात मान्सून केरळमध्ये दाखल होते. मात्र, यंदा मान्सूनचा प्रवास संथ गतीने सुरू आहे. याआधी केरळमध्ये ४ जूनला मान्सून दाखल होईल, त्यानंतर महाराष्ट्रात १० जूनपर्यंत मान्सूनचे आगमन होईल, अशी शक्यता हवामान खात्याने वर्तवली होती.

Maharashtra Monssoon Update
Pune Gas Leak: बेकायदा गॅस विक्री जीवावर बेतली; गॅस गळती होऊन भाजलेल्या १५ वर्षीय मुलीचा मृत्यू

मात्र, आता मान्सून केरळमध्ये (Monsoon Update) चार ते पाच दिवस उशीरा दाखल होणार असल्याने महाराष्ट्रातील शेतकऱ्यांना देखील मान्सूनची वाट पाहावी लागणार आहे. हवामान विभागाने दिलेल्या माहितीनुसार, केरळमध्ये ७ ते ८ जूनपर्यंत मान्सून दाखल होण्याची शक्यता आहे. तर महाराष्ट्रात साधारणपणे १३ ते १५ जून दरम्यान पाऊस सुरू होण्याचा अंदाज व्यक्त केला जात आहे.

दरम्यान, विदर्भात काही ठिकाणी पुढील दोन दिवस मेघगर्जनेसहित विजांचा कडकडाट पावसाची शक्यता हवामान विभागाने वर्तवली आहे. तसेच ७ आणि ८ जूनला विदर्भात काही ठिकाणी कमाल तापमान वाढण्याचा अंदाजही व्यक्त केला आहे. पुणे आणि आसपासच्या भागातील कमाल तापमानात फारसा बदल होणार नसून तुरळक ठिकाणी मेघगर्जनेसह जोरदार वारा वाहण्याची शक्यता असल्याचे हवामान विभागाने सांगितले आहे.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com