Rain Updates: जुलै अखेरपासून पुन्हा दमदार पावसाला सुरुवात; ऑगस्ट-सप्टेंबरमध्ये कोसळणार मुसळधार

राज्यातील अनेक मुसळधार पाऊस झाल्यानंतर गेल्या दोन दिवसापासून उसंत घेतलीय. मात्र अचानक पाऊस गायब झाल्यानं शेतकरी चिंतेत पडलाय. मात्र शेतकऱ्यांनो, काळजी करू नका, सध्या अनेक भागांत पावसाने विश्रांती घेतली असली, तरी जुलैअखेरपासून पुन्हा दमदार पावसाला सुरुवात होण्याची शक्यता हवामान तज्ज्ञांनी व्यक्त केलीय.

सध्या इंडियन ओशन डायपोल अर्थात ‘आयओडी’ तटस्थ अवस्थेत असला तरी २१ जुलैनंतर तो सक्रिय होण्याची चिन्हे दिसत आहेत. यामुळे २२ ते ३१ जुलैदरम्यान राज्यात चांगल्या पावसाची शक्यता वर्तवण्यात आलीय. पाऊस जुलैअखेर दमदार तर ऑगस्ट-सप्टेंबरमध्ये मुसळधार पाऊस होणयाचा अंदाज आहे. यंदा कमी कालावधीत जास्त पाऊस असाच पावसाचा पॅटर्न राहील, असा अंदाज हवामानशास्त्रज्ञांनी वर्तवलाय. यंदा ‘अल निनो’मुळे पाऊस कमी होणार, असा अंदाज काही शास्त्रज्ञांनी वर्तवला होता.

मात्र, १ ते ९ जुलै या कालावधीत मुसळधार ते अतिमुसळधार पाऊस पडला. भारतीय समुद्री स्थिरांकावर आधारित आहे. इंडियन ओशियन डायपोल (आयओडी) म्हणजेच भारतीय समुद्री स्थिरांक हा महत्त्वाचा घटक ‘अल निनो’चा प्रभाव कमी करून भारतीय उपखंडात पाऊस देऊ शकतो, असा अंदाज अनेक भारतीय शास्त्रज्ञांनी वर्तवलाय.

सध्या हवेचे दाब १,१०० हेक्टा पास्कल इतके वाढलाय, त्यामुळे पाऊस कमी झाला. ते दाब जेव्हा १,००४ ते १,००२ वर येतील तेव्हा पाऊस पडेल. सध्या भारतीय समुद्री स्थिरांक तटस्थ असून जुलैच्या शेवटच्या आठवड्यात तो अंशतः सक्रिय होण्याची शक्यता आहे. त्यामुळे २२ ते ३१ जुलै या कालावधीत दमदार पावसाची शक्यता वर्तवण्यात येत आहे.

‘आयओडी’ ऑगस्टच्या सुरुवातीपासून जोरदार सक्रिय होण्याची शक्यता आहे, त्यामुळे ऑगस्ट आणि सप्टेंबरमध्येही चांगला दमदार पाऊस होईल. यंदा कमी दिवसांत जास्त पाऊस हा पॅटर्न राहणार आहे. जसा १ ते ९ जुलै या कालावधीत झाला, तसाच ऑगस्ट आणि सप्टेंबरमध्ये होईल.