Maharashtra Weather Forecast: मराठवाडा आणि विदर्भावर अवकाळीचं संकट कायम! विजांच्या कडकडाटासह बरसणार पावसाच्या सरी

राज्यात कुठे ऊन, तर कुठे पाऊस अशी सध्या स्थिती आहे. आज पुन्हा मध्य महाराष्ट्र, (Maharashtra Weather Update Today) मराठवाडा आणि विदर्भात पुन्हा अवकाळी पावसाचा इशारा देण्यात आला आहे. राज्यात सध्या दुहेरी हवामान अनुभवायला मिळत आहे. एकीकडे उन्हाचा पारा वाढत चालला आहे. तर दुसरीकडे वादळी पावसाने अनेक जिल्ह्यांतील शेतकऱ्यांना त्रस्त करून सोडलं आहे. मोठ्या प्रमाणावर अवकाळी पावसामुळे नुकसान झाल्याचं दिसत (Maharashtra Weather) आहे.

भारतीय हवामान विभागाने आज ठाणे, मुंबई, रायगड, रत्नागिरी, सिंधुदुर्ग या जिल्ह्यांमध्ये उष्ण आणि दमट हवामानाचा इशारा म्हणजेच येलो अलर्ट (Heat Wave Alert) दिलेला आहे. तर नगर, पुणे, सातारा, सांगली, कोल्हापूर, सोलापूर, (Weather Update) बीड, धाराशिव, लातूर, परभणी, हिंगोली, यवतमाळ, चंद्रपूर, गोंदिया, गडचिरोली या जिल्ह्यांमध्ये वादळी पाऊस होण्याची शक्यता आहे. वाशीम, धुळे, परभणी, सोलापूर, नांदेड, चंद्रपूर, आणि गडचिरोली जिल्ह्यातील कमाल तापमान ४० अंशांपेक्षा अधिक होतं.

आज पुण्यात हलका ते मध्यम स्वरूपाचा पाऊस पडण्याची शक्यता आहे. भारतीय हवामान विभागाने विजांच्या गडगटासह वादळी पावसासाठी येलो अलर्ट जारी केला आहे. सकाळपासून उन्हाचा चटका वाढतो (Maharashtra Weather Forecast) तर, दुपारनंतर वादळी पाऊस होतो, असं विषम हवामान राज्याच्या काही जिल्ह्यांमध्ये सध्या अनुभवायला मिळत आहे.

ढगाळ हवामानामुळे कमाल तापमानामध्ये मोठ्या प्रमाणावर चढ-उतार होत आहेत. आज मध्य महाराष्ट्र, मराठवाडा आणि विदर्भात वादळी पावसाचा इशारा हवामान विभागाने दिला आहे. मुंबईसह कोकणात उष्ण आणि दमट हवामानाचा (Weather) इशारा कायम आहे.

२३ एप्रिलपर्यंत २४ तासांमध्ये वाशीम येथे राज्यातील उच्चांकी म्हणजेच ४२.२ अंश सेल्सिअस तापमानाची नोंद झाली होती. अनेक जिल्ह्यातील तापमान ४० अंश सेल्सिअसच्या वर आहे. राज्यात पावसाला पोषक हवामान झालं (Rain Alert) आहे. त्यामुळे विदर्भातील नागपूर, वर्धा, यवतमाळ जिल्ह्यांना वादळी पावसासह गारपिटीचा इशारा हवामान विभागाने दिला आहे. मराठवाडा आणि विदर्भावर अवकाळीचं संकट कायम आहे. विजांच्या कडकडाटासह पावसाच्या सरी बरसणार असल्याची शक्यता आहे.