Maharashtra Unseasonal Rain : हवामान खात्याचा अंदाज खरा ठरला! भर उन्हाळ्यातच पुण्यासह या ठिकाणी गारपीटीसह पाऊस

राज्यातील अनेक जिल्ह्यात गारपीटीसह पावसाने जोरदार बॅटिंग केली आहे.
Maharashtra Unseasonal Rain
Maharashtra Unseasonal RainSaam tv

Unseasonal Rain In Maharashtra : राज्यातील अनेक जिल्ह्यात गारपीटीसह पावसाने जोरदार बॅटिंग केली आहे. सोसाट्याचा वारा आणि मुसळधार पावसाने राज्यातील अनेक भागांना झोडपून काढलं आहे. अचानक कोसळलेल्या पावसाने नागरिकांची चांगलीच तारांबळ उडाली. मात्र, या अवकाळी पावासाने शेतकऱ्यांची चिंता वाढली आहे. (Latest Marathi News)

राज्यातील अनेक भागात गारपीटीसह पावासाने (Rain) हजेरी लावली आहे. हवामान खात्याने दिनांक 15 ते 17 मार्च दरम्यान राज्यातील अनेक भागात वादळी पाऊस पडण्याची शक्यता वर्तवली होती. त्यानंतर आज राज्यातील अनेक जिल्ह्यात अनेक गारपीटीसह पावसाच्या सरी कोसळलं आहे. राज्यातील पुणे (Pune), कोल्हापूर, वर्धा, सातारा, धुळे इत्यादी जिल्ह्यात पावसाच्या सरी कोसळल्या.

Maharashtra Unseasonal Rain
Myanmar News : धक्कादायक! म्यानमार सैनिकांच्या गोळीबारात बौद्ध भिक्षूंसह २९ जणांचा मृत्यू

राज्यातील अनेक भागात अचानक पावसाला सुरुवात झाल्याने नागरिकांची तारांबळ उडाली. अनेक भागात दुपारपासून ढगाळ वातावरण होते. पावसामुळे वातावरणात गारवा निर्माण झाला आहे. या अवकाळी पावसामुळे शेतकऱ्यांच्या हरभरा आणि गहू पिकाला फटका बसण्याची शक्यता आहे.

साताऱ्यात बागायती शेती आणि ज्वारी पिकाचं नुकसान होण्याची भीती निर्माण झाली आहे. कोल्हापूर जिल्ह्यातील गारगोटीतही जोरदार पाऊस पडला आहे. अचानक सुरू झालेल्या जोरदार पावसामुळे आठवडी बाजार काही काळ विस्कळीत झाला. एक तास गारगोटी परिसरात पावसाची हजेरी लावली.

तर पुण्याच्या शिवाजीनगर, कसबा परिसरातही जोरदार पाऊस कोसळला. दरम्यान, पावसाने आणखी चार दिवस पावसाचा अंदाज व्यक्त केला आहे

Maharashtra Unseasonal Rain
Maharashtra : राज्यातील सरकारी नोकरभरती खासगीकरणाचं भाजप कनेक्शन उघड? RTIमधून धक्कादायक माहिती समोर

पुण्यात आणखी पाऊस पडणार?

पुण्यातील आळंदी, धानोरी, चिंबळी, भिवडी परिसरात रात्री मुसळधार पाऊस पडण्याची शक्यता आहे. पुण्यातील हिंजवडी, तळेगाव, बाणेर, औंध येथे रात्री ९ नंतर मुसळधार पाऊस पडण्याची शक्यता नसून केवळ गडगडाट आणि वादळी वाऱ्याची शक्यता दर्शवण्यात आली आहे.

प्रामुख्याने सध्या दक्षिण, नैऋत्य, मध्य आणि पूर्व पुणे शहराच्या काही भागात गडगडाट सुरू आहे. आता पुणे शहर, पेठ भागात पाऊस ओसरला आहे. पुणे शहराच्या पूर्व भागात रात्री काही ठिकाणी जोरदार पावसाची शक्यता आहे. चाकण परिसरातही पुढील अर्ध्या तासात जोरदार वादळी पावसाची शक्यता आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com