महाराष्ट्रात 2 कोटी मतदार वगळणार? 'अल्पसंख्यांकांना टार्गेट करण्यासाठी SIR' , वडेट्वीवारांचा आरोप

राज्यात SIR मोहिमेंतर्गत तब्बल 2 कोटींहून अधिक मतदारांना वगळण्यात येण्याची शक्यता आहे. त्यामुळे SIR मोहिमेवरून काँग्रेसही आक्रमक झालीये. काँग्रेसनं SIR मोहिमेवरून गंभीर आरोप केलाय. काँग्रेसनं नेमका काय आरोप केलाय?.SIR मोहिमेला पुन्हा मुदतवाढ मिळणार का?.पाहूयात यावरचा हा रिपोर्ट.

महाराष्ट्रातही SIR मोहिमेवरून वाद निर्माण झालाय. कारण राज्यातले तब्बल 2 कोटींहून जास्त मतदार य़ा मोहिमेमुळे वगळले जाण्याची चिन्हे आहेत. एकीकडे, SIR मोहीमेला आणखी मुदतवाढ देण्यासाठी विविध राजकीय पक्ष सरसावलं असताना काँग्रेसनं मात्र अल्पसंख्याकांना टार्गेट करण्यासाठी एसआयआर केलं जात असल्याचा गंभीर आरोप केलाय. याविरोधात राज्यभरात जनआंदोलन करण्याचा इशाराही दिलाय. तर दुसरीकडे, SIRच्या माध्यमातून केवळ दुबार मतदारांचीच नावं वगळण्यात असल्याचा दावा मंत्री हसन मुश्रीफांनी केलाय.

राज्यातील विविध जिल्ह्यांत अद्याप मतदारांनी एसआयआर अर्ज भरलेले नाहीत. तरीसुद्धा राज्यातील काही जिल्ह्यांत SIR मोहिमेची नेमकी स्थिती काय आहे? पाहूयात.

महाराष्ट्रात 2 कोटी मतदार वगळणार?

जिल्हा फॉर्म जमा नाही

ठाणे 29 लाख

पुणे 29 लाख

मुंबई उपनगर 27 लाख

मुंबई शहर 10 लाख

नागपूर 14 लाख

नाशिक 10 लाख

निवडणूक आयोगानं दिलेली SIR मोहिमेची मुदत संपल्यामुळे लवकरच प्रारूप मतदार यादी जाहीर होणार आहे. मात्र, राज्यातील विविध जिल्ह्यांत अद्याप SIR अर्ज दाखल न झाल्यानं शिंदेसेनेनंही मुदतवाढीची मागणी केलीये. SIR मोहिमेवरून राज्यात पुन्हा एकदा आरोप-प्रत्यारोपांची मालिका सुरू झालीये. काँग्रेसनं केलेल्या गंभीर आरोपांमुळे आगामी काळात राज्यात SIRचा वाद आणखी चिघळण्याची शक्यता आहे.

खरंतर, SIR मोहिमेनंतर देशातील विविध राज्यांत लाखोंच्या संख्येनं मतदार वगळण्यात आलेत. आणि त्याचा परिणाम त्यानंतर झालेल्या निवडणुकांमध्ये दिसूनही आलाय. त्यामुळे जास्तीत जास्त मतदारांच्या नोंदणीसाठी आयोग SIRला मुदतवाढ देणार का? वगळलेल्या मतदारांचा फटका कुणाला बसणार? याबाबत आता चर्चा रंगू लागलीय.