Sanjay Raut News: 'राम मंदिर उद्घाटनावेळी धर्मांधतेचा आगडोंब उसळेल...' संजय राऊतांचा मोठा दावा

Sanjay Raut On Ram Mandir Inauguration: राम मंदिराच्या लोकार्पणावेळी हिंसाचार होण्याची शक्यता ठाकरे गटाचे नेते संजय राऊत यांनी वर्तवली आहे.
Sanjay Raut News
Sanjay Raut NewsSaamtv
Published On

Sanjay Raut On BJP: अयोध्येतील श्री राम मंदिराचे काम आता अंतिम टप्प्यात आले आहे. पुढील वर्षा जानेवारीमध्ये या मंदिराचे लोकार्पण होण्याची शक्यता आहे. याच पाश्वभूमीवर संजय राऊत यांनी राम मंदिराच्या लोकार्पणावेळी हिंसाचार होण्याची शक्यता ठाकरे गटाचे नेते संजय राऊत यांनी वर्तवली आहे. माध्यमांशी बोलताना राऊतांनी याबद्दल भाजपवर गंभीर आरोप केले.

Sanjay Raut News
Automated Weather Stations: गावचा सरपंच सांगणार पावसाचा अंदाज; ७० ग्रामपंचायतीत स्वयंचलीत हवामान केंद्र

याबाबत सविस्तर माहिती अशी की, राम मंदिराच्या (Ram Mandir) उद्घाटनावेळी भाजपा (BJP) सरकारकडून मोठा हल्ला केला जाऊ शकतो.. अशी शक्यता जम्मू काश्मिरचे माजी राज्यपाल सत्यपाल मलिक (Satyapal Malik) यांनी वर्तवली होती. लातूरच्या सभेत उद्धव ठाकरेंनीही (Uddhav Thackeray) मलिकांच्या या वक्तव्याचा उल्लेख केला होता. त्यानंतर आता राऊतांनीही यावर मोठे विधान केले आहे.

काय म्हणाले संजय राऊत?

"राम मंदिराच्या उद्घाटनावेळी देशभरातून, देशाच्या कानाकोपऱ्यातून ट्रेनने लोकांना बोलावलं जाईल. यातील एखाद-दुसऱ्या ट्रेनवर दगडफेक केली जाईल. पुलवामाप्रमाणे धर्मांधतेचा आगडोंब उसळवणार नाही ना अशी भीती वाटतेय. जर पुलवामा घडवला जाऊ शकतो, गोध्रा घडवलं गेलंय.." असा आरोप संजय राऊतांनी केला आहे.

Sanjay Raut News
Beed Crime News: धक्कादायक! महाराष्ट्रातून ट्रक पास करण्यासाठी हजारो रुपयांची लूट; वाहन चालकाचे पोलीस प्रशासनावर गंभीर आरोप

तसेच यावेळी पुढे बोलताना "अशा प्रकारची घटना २०२४ च्या निवडणुकीसाठी केली जाईल अशी भिती सर्वच राजकीय पक्षांना वाटत आहे. इंडियाच्या बैठकीत यावर चर्चा होईल. पण आम्ही अत्यंत सावध आहोत.." असेही संजय राऊत यावेळी म्हणाले. (Latest Marathi News)

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com