Jitendra Awhad: मोठी बातमी! 'मला कोणत्याही क्षणी अटक होईल...' जितेंद्र आव्हाडांच्या वक्तव्याने खळबळ

Mumbai: राज्याच्या राजकारणातून सध्या एक मोठी बातमी समोर येत आहे. राष्ट्रवादीचे नेते जिंतेद्र आव्हाड यांनी मला कोणत्याही क्षणी अटक होऊ शकते असे धक्कादायक विधान केले आहे. त्यांच्या या वक्तव्याने राजकीय वर्तुळात खळबळ उडाली आहे. (Jitendra Awhad)

समोर आलेल्या माहितीनुसार, "केंद्रातील वरिष्ठ पोलीस अधिकाऱ्यांकडून मिळालेल्या माहितीनुसार आपल्याला जेलमध्ये टाकण्याचा प्लॅन आखण्यात" आल्याचा खळबळजनक दावा जितेंद्र आव्हाड यांनी केला आहे. या अटकेचे कारण काय आहे. त्यांच्या अटकेचा प्रयत्न केंद्रातील कोणता मंत्री करत आहे याबद्दल मात्र कोणतीही प्रतिक्रिया दिली नाही.

प्रसारमाध्यमांशी बोलताना “केंद्रातील ज्येष्ठ पोलीस अधिकाऱ्याने सांगितलं की, "कोणत्याही परिस्थितीत मला अटक करण्यात येईल. ठाणे महापालिका निवडणूक होईपर्यंत अथवा त्यानंतर काही महिने जेलमध्ये ठेवण्यात येणार आहे. माझ्याविरोधात एकही गुन्हा दाखल नाही. पण, ही बातमी मिळते तेव्हा आश्चर्य वाटतं,” असं जितेंद्र आव्हाडांनी म्हटलं आहे. त्यांच्या या वक्तव्यानंतर राजकीय वर्तुळात खळबळ माजली आहे. (Latest Marathi News)