Maharashtra Politics: पालकमंत्रीपदावरून महायुतीमध्ये तिढा, तटकरे, गोगावले पुन्हा आमने-सामने

विधानसभा निवडणुकीमध्ये महायुतीने महाविकास आघाडीचा पराभव केला. लवकरच राज्यामध्ये नवं सरकार स्थापन होणार आहे. पण महायुतीमध्ये पालकमंत्री पदावरून सध्या वाद सुरू आहेत. पालकमंत्रिपदासाठी महायुतीमध्ये रस्सीखेच सुरू आहे. मंत्रि‍पद वाटपावरून शपथविधीला उशीर होत असल्याचे चित्र पाहायला मिळत आहे.

महायुतीत खाते वाटपा आधीच पालकमंत्री पदासाठी वाद असल्याचे चित्र पाहायला मिळत आहे. नाशिक, पालकमंत्री पदावर भाजप शिवसेना आणि राष्ट्रवादीने दावा केला आहे. रायगड जिल्ह्याच्या पालक मंत्री पदावर शिवसेना आणि राष्ट्रवादीने दावा केला आहे.

सिंधुदुर्ग जिल्ह्याच्या पालकमंत्री पदावर भाजप आणि शिवसेनेने दावा केला आहे. नाशिकच्या पालकमंत्री पदासाठी देखील भाजपसोबत राष्ट्रवादीने दावा केला आहे. रायगड पालकमंत्रीपदासाठी शिवसेना आणि अजित पवार गटाने दावा केला आहे.

कोणत्या जिल्ह्यासाठी कोणामध्ये रस्सीखेच?

- नाशिकच्या पालकमंत्री पदासाठी भाजपचे गिरीश महाजन तर राष्ट्रवादीचे छगन भुजबळ आणि शिवसेनेचे दादा भुसे इच्छुक आहेत. यांच्यामध्ये पालकमंत्री पदावरून रस्सीखेच सुरू आहे.

- बहूचर्चित रायगड जिल्ह्यामध्ये पालकमंत्रीपदावरून भरत गोगावले आणि आदिती तटकरेंध्ये मोठी रस्सीखेच सुरू आहे.

- तर सिंधुदुर्ग जिल्ह्यातील पालकमंत्री पदावर दीपक केसरकर आणि भाजपचे रवींद्र चव्हाण इच्छुक आहेत.

- तर महत्वाचे म्हणजे पुणे

पुण्याच्या पालकमंत्री पदासाठी अजितदादा आग्रही आहेत. तर दुसरीकडे चंद्रकांत पाटील हे देखील पालकमंत्रीपदासाठी इच्छुक आहेत. या दोघांमध्ये रस्सीखेच सुरू आहे.