Maharashtra Assembly Elections 2024 : राष्ट्रवादी काँग्रेस शरद पवार गटाचे नेते उत्तम जानकर यांनी महाराष्ट्राचे उपमुख्यमंत्री अजित पवार यांच्यावर जोरदार टीका केली. नुकताच शरद पवार गटाकडून उत्तम जानकरांना उमेदवारी देण्यात आली. रविवारी उमेदवारी जाहीर झाल्यानंतर सोमवारी उत्तम जानकर यांनी उमेदवारी अर्ज दाखल केला. अर्ज दाखल करत असताना उत्तम जानकर यांनी अजित पवारांवर निशाणा साधला. 'अजित पवारांचा ७५ हजार मतांनी पराभव होईल.' असा दावा उत्तर जानकरांनी केला आहे.
'अजित पवार यांच्या डोक्यावरील हात काकांनी काढला आहे. आता तर ते बारामतीत आले आहेत. या निवडणुकीमध्ये अजित पवार यांचा सुमारे ७५ हजार मतांनी पराभव होईल.' असा दावा माळशिरसचे शरदचंद्र पवार पक्षाचे उमेदवार उत्तम जानकर यांनी केला आहे. मोहिते पाटील आणि मी एकत्रित आल्यामुळे या निवडणुकीत भाजप उमेदवाराचे डिपॉझीट जप्त करू असं जानकर यांनी म्हटले आहे.
उत्तम जानकर यांनी आज खासदार सुप्रिया सुळे यांच्या उपस्थितीत उमेदवारी अर्ज दाखल केला. माळशिरसच्या राजकारणात गेल्या वर्षापासून कट्टर विरोधक असलेले मोहिते पाटील आणि उत्तम जानकर या निवडणुकीच्या निमित्ताने एकत्रित आले आहेत. त्यामुळे आता सोपूरमध्ये कोण बाजी मारते हे पाहणं महत्वाचे ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.