Eknath Shinde: उपमुख्यमंत्री एकनाथ शिंदेंच्या हेलिकॉप्टरमध्ये तांत्रिक बिघाड, राजकीय वर्तुळात खळबळ

• उपमुख्यमंत्री एकनाथ शिंदेंच्या हेलिकॉप्टरमध्ये तांत्रिक बिघाड

• एकनाथ शिंदे यांच्या हेलिकॉप्टरमध्ये टेकऑफपूर्वी तांत्रिक बिघाड

• एकनाथ शिंदे गुजरात दौऱ्यावर आहेत

• वडनगरहून अहमदाबादला रस्ते मार्गाने रवाना

गिरीष कांबळे, मुंबई

राज्याचे उपमुख्यमंत्री एकनाथ शिंदे यांच्या हेलिकॉप्टरमध्ये तांत्रिक बिघाड झाल्याची बातमी समोर आली आहे. एकनाथ शिंदे सध्या गुजरात दौऱ्यावर आहेत. गुजरात दौऱ्यावर ते हेलिकॉप्टरने जाणार होते. पण टेकऑफ घेण्यापूर्वीच हेलिकॉप्टरमध्ये तांत्रिक बिघाड असल्याचे पायलटच्या लक्षात आले. त्यामुळे एकनाथ शिंदे रस्ते मार्गाने अहमदाबादकडे रवाना झाले. वडनगर येथे एकनाथ शिंदेंनी हेलिपॅडवर ४५ मिनिटं हेलिकॉप्टरची वाट पाहिली. शेवटी ते रस्ते मार्गाने वडनगरवरून अहमदाबादकडे रवाना झाले. गुजरात दौऱ्यावरून ते परत येताना चार्टर्ड विमानाने येणार असल्याची माहिती समोर आली आहे.