उपमुख्यमंत्री एकनाथ शिंदे यांना श्री संत नामदेवमहाराजांच्या ६७५ व्या संजीवन समाधी सोहळ्यानिमित्त प्रथम “संतशिरोमणी श्रीनामदेवमहाराज पुरस्कार जाहीर झाला आहे.
येत्या २४ जुलै रोजी पंढरपुरात एका कार्यक्रमात हा पुरस्कार दिला जाणार आहे.
उप मुख्यमंत्री श्री. एकनाथ शिंदे यांना प्रत्यक्ष भेटी दरम्यान संत नामदेव महाराज फड तथा संत नामदेवमहाराजांच्या वंशजांकडून निमंत्रण देण्यात आले आहे.
वसईच्या राजोडी परिसरात घरगुती गॅस सिलेंडर मधून व्यावसायिक गॅस सिलेंडरमध्ये बेकायदेशीर पणे भरत असल्याचा प्रकार पुरवठा विभागाने उघड केला आहे.
यात ५२ सिलेंडर जप्त करण्यात आले आहेत या प्रकरणी अर्नाळा पोलीस ठाण्यात आरोपींविरोधात गुन्हा दाखल झाला असून दोन आरोपी अटक असल्याची माहिती अर्नाळा पोलीस ठाण्याचे वरिष्ठ पोलीस निरीक्षक विजय पाटील यांनी दिली आहे.
या कारवाईत ५२ सिलेंडर, इलेक्ट्रीक वजन काटा, इलेक्ट्रिक मोटार व रबरी पाईप तसेच पिकप टेम्पो असा ६ लाख ३३ हजार रुपये किंमतीचा मुद्देमाल जप्त केला आहे. याप्रकरणी अर्नाळा सागरी पोलीस ठाण्यात गुन्हा दाखल करण्यात आला आहे.
पुणेकरांचा काही नेम नाही! आखाडचा शेवटचा रविवार निमित्त चिकन मटणच्या दुकानाबाहेर रांग आहेच
पण याच दिवसाचा फायदा राजकीय पुढाऱ्यांकडून सुद्धा घेतला जातोय.
याचं कारण म्हणजे पुण्यातील धानोरी परिसरात एका दांपत्याने तब्बल ५००० किलो चिकन मोफत वाटण्याचा उपक्रम राबवला आहे.
मतदार यांच्यापर्यंत पोहचता यावं आणि जनसंपर्क वाढावा म्हणून ही शक्कल पुण्यात पाहायला मिळते आहे.
चिकन घेण्यासाठी प्रत्येक व्यक्तीकडून ओळखपत्र घेतलं जातं आहे आणि मगच चिकन फ्री मिळतंय.
विकेंडच्या सुट्टी निमित्त पर्यटकांनी सिंधुदुर्गातील पर्यटन स्थळांवर गर्दी केली आहे.
पुणे, सातारा, कोल्हापूर, बेळगाव या ठिकाणाहून पर्यटक कोकणात दाखल झाले आहेत.
सिंधुदुर्गातील आंबोली कावळेसाद व हिरण्यकेशी भागात हे पर्यटक मोठ्या संख्येने दाखल झाले आहेत.
आंबोलीत सध्या आल्हाददायक वातावरण असून घाट परीसरात धुके व रिमझिम पाऊस अस वातावरण पाहायला मिळत आहे.
याचा आनंद घेताना पर्यटक दिसून येत आहेत.
अहिल्यानगर जिल्ह्यातील अकोले तालुक्यात स्वतः ट्रक पेटवून इन्शुरन्स कंपनी आणि फायनान्स कंपनीला फसवण्याचा डाव राजूर पोलीसांनी हाणून पाडला आहे..
सागर नवले या ट्रक मालकाने पोलीसांना खबर दिली की ट्रकला अचानक आग लागून जळाला आहे..
मात्र पोलीसांनी घटनास्थळी पंचनामा करत असताना हा ट्रक पेटला नाही तर पेटवला गेल्याचं निष्पन्न झालं आहे..
राजूर पोलीसांनी ट्रक मालकासह साथीदारांवर गुन्हा नोंदवला असून अधीक तपास सुरू आहे..
जामीनावर बाहेर आलेल्या आरोपीवर देखील मकोका अंतर्गत कारवाई केली जाणार
तुळजापूर ड्रग्ज प्रकरणातील फरार आरोपींना अटक करण्यासाठी प्रताप सरनाईकांकडून पोलिसांना अल्टिमेटम
15 ऑगस्टला ड्रग्जबाबत बैठक त्यापूर्वी सर्व आरोपींना अटक करा, पालकमंत्री प्रताप सरनाईकांच्या सूचना
पालकमंत्री येतात म्हणून त्यांना दाखवण्यासाठीच आरोपींना अटक असेल तर ते चुकीचं , गेले काही दिवसात पालकमंत्र्यांच्या दौऱ्याच्या अगोदरच आरोपी होतात अटक
तुळजापूर ड्रग्ज प्रकरणात अजूनही 14 आरोपी फरार, आरोपी देशा बाहेर गेले का ?, पालकमंत्र्यांचा सवाल
प्रसिद्ध सीताखाई पॉईंटजवळ तरुणाची हुल्लडबाजी...
महिला आणि तरुणींना बघून टवाळखोर तरुणाचा धिंगाणा घालत अश्लील चाळे....
अमली पदार्थ आणि दारूंच्या नशेत असलेल्या तरुणाच्या या कृत्यामुळे उपस्थित पर्यटकांमध्ये भीती आणि संतापाचे वातावरण..
तोरणमाळला पुरेसा पोलिस बंदोबस्त नसल्याने महिला सुरक्षेचा प्रश्न ऐरणीवर...
भंडारा जिल्हा हा धान उत्पादन जिल्हा असून,दर वर्षी पावसाची सुरुवात होताच शेतकऱ्यांची लगबग सुरू होते.
यंदा पण पावसाने जोरदार हजेरी लावली,नदी नाले ही ओसांडून वाहत होते,शेतकऱ्यांनी धानाची रोहणी केली,मात्र पावसाने उसंती घेतल्याने धानाची रोपे सुकू लागली जमीनीला भेगा पडल्या.
यामुळे शेतकरी चिंतेत आहेत.रोवनी थांबली त्यामुळे शेतकरी पुन्हा संकटात सापडलेला आहे.
शासनाने लवकर बावनथडी धरणाचा पाणी पुरवठा करावा अशी शेतकऱ्यांनी मागणी केली आहे .
कडेकपारीतून कोसळणारे धबधबे खुणावत आहेत पर्यटकांना
रत्नागिरी जवळच्या पानवळ येथे एकाच धबधब्यातून प्रवाहित झाले तीन धबधबे
याच नयनरम्य वातावरणात दिवशी पर्यटकांची फुल टू एन्जॉयमेंट
फेसाळत कड्यावरून कोसळणाऱ्या धबधब्याचा आनंद घेण्याची मजा वेगळीच
पाण्याच्या प्रवाहा खाली चिंब भिजण्याचा आनंद वेगळाच
रविवारच्या मौजमजेसाठी पर्यटकांची धबधब्यांना पसंती
100 ते 125 फुटांवरून वरून कोसळणाऱ्या पानवल धबधबा अत्यंत सुरक्षित
त्रंबकमध्ये संपूर्ण हॉटेल फुल तर नाशिक शाहेरात देखील हॉटेल मध्ये भाविकांना मिळत नही रूम.
उत्तर भारतीयांचा श्रावण ला सुरवात झालाने त्रंबकेश्वर मंदिरात भाविकांनी केली दर्शनात गर्दी..
शुक्रवार पासून सुरु होत आहे श्रावण महा.त्यामुळे अनेक जण आज करणार गटारी साजरी.
पुण्यातील फ्लेक्स वर उपमुख्यमंत्री एकनाथ शिंदे आणि थेट गृहमंत्री अमित शहा यांचे व्यंगचित्र
एकनाथ शिंदे यांना बॅनर मधून शिवसेनेने डिवचलं
पुण्यातील गांजवे चौकात व्यंगचित्राची जोरदार चर्चा
"काली दाढीवाला मेरा लकी कबूतर" असा या फ्लेक्स वर मजकूर
अक्कलकुवा तालुक्यात महत्त्वाचा मार्ग ठप्प झाला.असून अस्तंबा, जमाना, ओरपा, नेंदवण ते खुर्चीमाळ हा अतिदुर्गम भागाला जोडणारा महत्त्वाचा मार्ग पावसाळ्यामुळे पूर्णत. बंद पडला आहे....
वाहतूक ठप्प झाली असून नागरिकांचे हाल होत आहे सुमारे अर्धा ते एक किलोमीटरचा घाटरस्ता वाहून गेल्याने आणि मोठ्या दरडी कोसळल्याने जमाना ते नंदुरबार या जवळच्या मार्गावरील वाहतूक थांबली असून, नागरिकांचे मोठे हाल होत आहेत.
रस्ता बंद असल्यामुळे अद्याप एकही वाहन या मार्गाने जाऊ शकलेले नाही...
सरनाईक यांनी तुळजाभवानी मातेची केली अभिषेक पुजा,आषाढ महिन्यातील देवीच्या अभिषेक पुजेला असते महत्त्व
तुळजाभवानी मातेची मंदीरातील कामाची सरनाईक यांनी केली पाहणी
सरनाईक काल पासुन धाराशिव जिल्हा दौऱ्यावर
तुळजाभवानी मंदीर संस्थानच्या कार्यालयात सरनाईक घेणार ड्रग्स प्रकरणाची आढावा बैठक
येत्या गुरुवारपासून पवित्र श्रावण महिन्याला सुरुवात होत आहे. त्यापूर्वी नॉनव्हेज प्रेमींनी आज पुण्यातल्या मटन आणि चिकन मार्केटमध्ये मोठी गर्दी केलेली पाहायला मिळत आहे..
त्यात आज रविवारचा मुहूर्त साधत मटन खाण्यासाठी आजचा शेवटचा रविवार असल्याने पुणेकरांनी पहाटेपासून मोठी गर्दी या मटणाच्या दुकानाच्या बाहेर गेलेली पाहायला मिळत आहे..
पहाटे सहा पासून लोकांनी भली मोठी रांग पुण्यातील मटन दुकानांच्या बाहेर लावलेली आहे.
अवघ्या तीन दिवसात श्रावण महिन्याला सुरुवात होत आहे त्यानंतर या नॉनव्हेज प्रेमींना मटन आणि चिकन खाता येणार नाही म्हणून आजच हे सगळे आपल्या आवडत्या नॉनव्हेज पदार्थावर ताव मारणार आहेत
भिमाशंकरच्या घनदाट जंगलामधून निघालेलं पांढरंशुभ्र धुकं, डोंगरकड्यांवरून कोसळणारे धबधबे, आणि निसर्गाने मुक्तहस्ताने उधळलेलं सौंदर्य... हे सारं डोळ्यांचं पारणं फेडणारं असलं तरी सध्या या सौंदर्याचा आस्वाद घेणं पर्यटकांसाठी धोकादायक ठरतंय...
भिमाशंकर अभयारण्यात पर्यटकांच्या सुरक्षिततेच्या दृष्टिकोनातून पर्यटनस्थळांवर बंदी घालण्यात आली असून, धोकादायक ठिकाणी जाण्यास वनविभागाकडून स्पष्ट मनाई करण्यात आली असुन सुरक्षा रक्षकही तैनात करण्यात आलेय मात्र तुमच्यासाठी भिमाशंकर अभारण्यातल्या निसर्गाचं बहरलेलं निसर्ग सौदर्य आम्ही घेऊन आलोय
नवी मुंबई महानगरपालिकेच्या निवडणुकीत दृष्टीने राज्याचे वनमंत्री गणेश नाईक यांनी मॅरेथॉन बैठका घ्यायला सुरुवात केली अशाच प्रकारे माजी नगरसेवक आणि अधिकाऱ्यांची बैठक आयोजित करण्यात आली होती त्यामुळे निवडणुकीच्या दृष्टीने भाजपकडून स्वबळावरची तयारी गणेश नाईक यांच्याकडून केली जात आहे
गल्लीबोळात, चौकात आणि रस्त्यावर होणाऱ्या भांडणांना विधिमंडळात नेऊन त्याला कायदेशीर मान्यता दिल्याबद्दल सरकारचे जाहीर अभिनंदन अशा आशयाचे फलक परळीतील छत्रपती शिवाजी महाराज चौक आणि राणी लक्ष्मीबाई टॉवर परिसरात लावण्यात आले आहेत.राष्ट्रवादी काँग्रेस शरद पवार गटाच्या पदाधिकाऱ्यांनी लावलेल्या या बॅनरची चर्चा होत आहे. बीड जिल्ह्यात दररोज मारहाणीच्या घटना वाढत आहेत आणि ह्या महाराणी नंतर व्हिडिओ व्हायरल केले जात आहेत या अनुषंगाने उद्देशून हे बॅनर लावले आहे का अशी देखील चर्चा आता बीड जिल्ह्यात होत आहे.
बीड जिल्ह्यात गेल्या महिनाभरापासून शेती पिकांना पूरक असा पाऊस पडलेला नाही. गेल्या आठ दिवसात झालेल्या रिमझिम पावसाने पिकांना जीवदान मिळाले आहे.
दुबार पेरणीचे संकट जवळपास यामुळे टळल्याचं चित्र दिसत आहे मात्र असं असलं तरी पुरेसा पाऊस नसल्याने उत्पन्न घटण्याची चिंता शेतकऱ्यांना सतावत आहे.
तर पुढील पंधरा दिवसात मोठा पाऊस न झाल्यास पिकांचं मोठ्या प्रमाणात नुकसान होण्याची शक्यता आहे. यामुळे शेतकऱ्यांमध्ये चिंतेचे वातावरण दिसत आहे.
देवळाली - नाशिक दरम्यान ओव्हरहेड वायर तुटली
नाशिक- मध्यरात्री वायर तुटल्याने वाहतूक विस्कळीत
ओव्हरहेड वायर बसवण्याचे काम युद्धपातळीवर सुरु आहे
नाशिक- मध्य रेल्वेची अप मार्गाची वाहतूक कोलमडली
अनेक एक्स्प्रेस गाड्या ५-६ तास उशिराने
केंद्रीय राज्यमंत्री मुरलीधर मोहोळ आणि पुणे महानगरपालिका आयुक्त नवल किशोर राम यांनी पुणेकरांसोबत घेतली बैठक
नदीत सुधारणा आणि नदी पुनर्जीवन या दोन्ही प्रकल्पावर बैठकीत पुणेकरांसोबत खासदार आणि प्रशासकीय अधिकाऱ्यांनी केली चर्चा
नदीप्रकल्पाशी संबंधित तज्ज्ञांचे, शासकीय अधिकाऱ्यांचे आणि नागरिक प्रतिनिधींचे दोन्ही प्रकल्पांसंदर्भात सादरीकरण झाले सादरीकरण
अनेक संघटनांनी आणि संस्थांनी या दोन्ही प्रकल्पाला केला आहे विरोध
या प्रवेश फेरीअंतर्गत विद्यार्थ्यांना नाव नोंदणी करून अर्जाचा भाग एक भरण्याची प्रक्रिया सुरू झाली
विद्यार्थ्यांना प्रवेशासाठी महाविद्यालयांचा पसंतीक्रम नोंदवीत अर्जाचा भाग दोन भरण्याची प्रक्रिया मंगळवारपासून सुरू होणार
राज्यातील नऊ हजार ४८३ कनिष्ठ महाविद्यालयांमधील एकूण २१ लाख ३७ हजार ५५० जागांकरिता केंद्रीय ऑनलाइन प्रवेश प्रक्रिया
धाराशिव जिल्ह्यात ऑपरेशन टायगर पुन्हा सक्रिय ?
धाराशिव जिल्ह्यात ठाकरे गटाचे आमदार आणि शिंदेच्या शिवसेनेच्या मंत्र्यांमध्ये वाढती जवळीक
आमदार प्रवीण स्वामी यांच्याकडून फटाक्यांच्या आतषबाजीत उमरगा येथील निवासस्थानी पालकमंत्री प्रताप सरनाईक यांचे स्वागत
भेटीचा कारण गुलदस्त्यात,मात्र भेटीने चर्चांना उधाण
पालकमंत्री प्रताप सरनाईक यांच्यासह माजी खासदार रवींद्र गायकवाड आणि उमरगा मतदारसंघातही शिवसेनेचे पराभूत उमेदवार ज्ञानराज चौगुले हेही भेटी वेळी उपस्थित
राष्ट्रीय स्वयंसेवक संघाच्या पश्चिम महाराष्ट्र प्रांताची वार्षिक प्रांत समन्वय बैठक आज पार पडणार
पुण्यातील फर्ग्युसन कॉलेजमध्ये RSS ची महत्वाची बैठक
या महत्त्वपूर्ण बैठकीत प्रांतातील विविध संघप्रेरित संघटनांचे प्रतिनिधी सहभागी होणार असून, एकूण ५० संघटनांमधून सुमारे ४३४ प्रतिनिधी उपस्थित राहणार आहेत
RSS च्याय आजच्या बैठकीत पश्चिम महाराष्ट्रातील पुणे, सातारा, सांगली, कोल्हापूर, अहिल्यानगर,
नाशिक आणि सोलापूर या जिल्ह्यांतील कार्यकर्त्यांचा व महिला कार्यकर्तींचा सहभाग असणार आहे.
पुणे महानगरपालिका आयुक्त नवल किशोर राम यांनी विमानतळ परिसरात केली पाहणी
याआधी विमानतळ प्राधिकरणाने पालिकेला कचरा समस्या असलेल्या ठिकाणांची यादी दिली होती
यासाठी पुणे महापालिकेत केंद्रीय राज्यमंत्री मुरलीधर मोहोळ यांनी घेतली होती बैठक
मोहोळ यांच्या बैठकीनंतर आयुक्त ऑन ग्राउंड
विमानतळ प्राधिकरण व महापालिकेच्या अधिकाऱयांची विविध विषयांवर एकत्र पाहणी शनिवार रोजी करण्यात आली
पाहणी दरम्यान आयुक्तांनी विमानतळालगतच्या परिसरामध्ये खाजगी मोकळ्या जागांवर असलेला कचरा व राडाराडा काढण्याच्या दिल्या सूचना
चालकाच नियंत्रण सुटल्याने इको कार पलटी.
इको कार मधील एका तरुणीचा मृत्यू तर आठ महिला जखमी.
ओव्हर सीट भरून वाहतूक करणाऱ्या अनधिकृत वाहतुकीकडे आरटीओ आणि पोलिसांच दुर्लक्ष.
जखमींवर कासा उपजिल्हा रुग्णालय आणि वेदांत मेडिकल हॉस्पिटल धुंदलवाडी येथे उपचार सुरू.
पर्वती येथून एस एन डी टी कडे जाणारी पाईप लाईन फुटल्यामुळे, पुणे शहरातील अनेक भागात पाणीपुरवठा विस्कळीत
पुणे शहरातील उपनगरांना बसणार फटका
ऐन रविवार सुट्टीचा दिवशी पाणीपुरवठा विस्कळीत
पाणीपुरवठा विस्कळीत होणारे पुणे शहरातील कोणते भाग
यवतमाळ परिवहन विभागातून तब्बल 250 एसटी बसेस आषाढी एकादशी करिता 250 बसेस नऊ दिवस चालवण्यात आल्या
या माध्यमातून यवतमाळ विभागातील नऊही आगाराला तब्बल सवलतीसह दोन कोटी 43 लाख 58 हजार 353 रुपयाचे उत्पन्न मिळाले.
त्यामुळे यवतमाळ परिवहन विभागाला पंढरपूरचा विठ्ठल पावला.
नांदेड शहरातील देगलूर नाका परिसरातील खुदबई नगर येथे खुनाची घटना घडली आहे.
शेख अजीम असं या 55 वर्षीय खून झालेल्या व्यक्तीचे नाव आहे. शेख अजीम हे मजुरीचे काम करतात.
कामासाठी घराबाहेर पडले असता देगलूर नाका परिसरातील खुदबई नगर येथे त्यांचा अज्ञात मारेकऱ्यांनी खून केला.
शेख अजीम यांचा खून करून आरोपी घटनास्थळावरून फरार झाला आहे. पोलीस मारेकर्‍याचा शोध घेत आहे.
या खुणाच्या घटनेमुळे नांदेड शहरातील देगलूर नाका परिसरात खळबळ उडाली.
यवतमाळ जिल्हाधिकारी विकास मीना यांनी महसूलच्या बैठकीत दिग्रस आणि उमरखेड येथील मंडळाधिकाऱ्यांची कानउघडणी करून निलंबनाचे आदेश दिले होते.
त्यानुसार दोन्ही मंडळ अधिकाऱ्यांना निलंबित करण्यात आले असून या कारवाईमुळे महसूल वर्तुळात खळबळ उडाली आहे.
दिग्रसचे यु.एच. ठाकरे आणि उमरखेडचे पी.एम माने या दोघांवर निलंबन करण्यात आले आहे.
धाराशिव जिल्हा प्रशासन व लोकसहभागातून धाराशिव जिल्ह्यात हरीत धाराशिव अभियानांतर्गत वृक्षलागवडीचा उपक्रम घेण्यात आलाय.
जिल्ह्यात एकाच दिवशी १५ लाख वृक्षलागवडीचा संकल्प करण्यात आला होता.
एकाच दिवशी एवढ्या मोठ्या प्रमाणात वृक्ष लागवड करण्यात आल्याने या उपक्रमाची वर्ल्ड ऑफ रेकॉर्ड, एशिया बुक ऑफ रेकॉर्ड व इंडीया बुक ऑफ रेकॉर्ड मध्ये नोंद झाली आहे.
पालकमंत्री प्रताप सरनाईक, अभिनेता स्वप्निल जोशी यांच्यासह लोकप्रतिनिधी व अधिकाऱ्यांच्या उपस्थितीत या वृक्षलागवडीचा शुभारंभ करण्यात आला.जिल्हाभरातील २९४ ठिकाणी घनवन पध्दतीने ही वृक्ष लागवड करण्यात आली
पंढरपूर येथील विठ्ठल रुक्मिणी मंदिर परिसरात काॅरिडाॅर तयार करण्यात येणार आहे.
याचा अंतिम आराखडा तयार झाला आहे. यासंदर्भात मुख्यमंत्री देवेंद्र फडणवीस आणि जिल्हाधिकारी कुमार आर्शिवाद यांची मुंबईत बैठकीत झाली.
यामध्ये काॅरिडाॅरचे काम वेगाने पुढे नेण्यासाठी स्वतंत्र तीन उपजिल्हाधिकारी यांची नियुक्ती करण्यात आली आहे.
हे अधिकारी 25 जुलै ते 5 आॅगष्ट दरम्यान मंदिर परिसरातील बाधित होणार्या मालमत्ताधारकांबरोबर चर्चा करणार आहेत.
यामध्ये भूसंपादन अधिकारी संतोष देशमुख,सीमा होळकर आणि जिल्हा पुनर्वसन अधिकारी सुशांत बनसोडे यांची नियुक्ती करण्यात आली आहे.
रत्नागिरी तालुक्यातील प्रस्तावित वाटद एमआयडीसी विरोधात आज खंडाळा येथे जन संवाद सभा पार पडली..
ऍड असीम सरोदे यांच्या प्रमुख उपस्थितीमध्ये ही जाहीर सभा झाली. वाटद एमआयडीसी विरोधी संघर्ष कृती समितीने या सभेचं आयोजन केलं होतं.
मोठ्या संख्येने यावेळी परिसरातील ग्रामस्थ उपस्थित होते. वाटद एमआयडीसीची अधिसूचना कायमस्वरूपी रद्द करण्याची मागणी यावेळी करण्यात आली..
दरम्यान या सुपीक प्रदेशात एखादा शस्त्रास्त्रांचा कारखाना सुरू करणे मूर्ख पणाचं ठरेल, असं मत यावेळी ऍड सरोदे यांनी व्यक्त केलं..
तसेच इथली शेती वाचली पाहिजे त्यासाठी मी इथल्या लोकांसोबत असल्याचंही सरोदे यांनी पत्रकारांशी बोलताना स्पष्ट केलं..
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
