Maharashtra News Live Update: मध्य महाराष्ट्रासह मराठवाड्यात उष्णतेच्या लाटेची शक्यता

श्रीक्षेत्र भीमाशंकर येथे उद्यापासून भाविकांसाठी मंदिराचे दरवाजे खुले होणार असून त्यापूर्वी प्रशासन आणि लोकप्रतिनिधींकडून विकासकामांचा आढावा घेण्यावर भर दिला जात आहे. काल मुख्यमंत्री देवेंद्र फडणवीस यांनी मंदिर परिसरातील विविध विकासकामांची पाहणी करून संबंधित अधिकाऱ्यांना आवश्यक सूचना दिल्या.

इयत्ता अकरावीच्या ऑनलाईन प्रवेश प्रक्रियेतील दुसऱ्या नियमित फेरीची वाटप यादी माध्यमिक उच्च माध्यमिक शिक्षण विभागाने जाहीर केली आहे यात नामांकित महाविद्यालयांमधील कला आणि विज्ञान शाखेचा कटऑफ लक्षणीयरीत्या घसरला आहे त्यामुळे 90% पेक्षा कमी गुण असलेल्या विद्यार्थ्यांना दिलासा मिळाला आहे.

मराठवाडा आणि मध्य महाराष्ट्रातील काही भागांत पुढील दोन दिवसांत उष्णतेची लाट येण्याची शक्यता आहे मध्य महाराष्ट्र आणि मराठवाड्यात रविवारी तसेच विदर्भात काही ठिकाणी रविवारी आणि सोमवारी उष्णतेची लाट येण्याची शक्यता असल्याचा अंदाज भारतीय हवामानशास्त्र विभागाने वर्तवला आहे.